ኢትዮጵያ ዛሬ የመንግሥት ምስረታ ታካሂዳለች። መንግሥት መመስረቷም በልማት ጉዞ ላይ የምትገኘውን የታላቋን ኢትዮጵያ ህልውና የማስቀጠል ጉዳይ ነው።
ምክንያቱም ሀገር ያለ ሕዝብ ሕዝብና ሀገር ደግሞ ያለመንግሥት ህልውና ሊኖራቸው አይችልም። መንግሥት ደግሞ የአንድ ሀገር ዋልታና ማገር፣ የሕዝቦች ደኅንነትና የጋራ እድገት መተማመኛ ዋና መዋቅር ነው።
ሀገር ያለ መንግሥት ምሰሶ እንደሌለው ቤት ናት፣ ጠንካራና ሕጋዊ የመንግሥት ምስረታ መገንባትም የሀገርን ዘላቂ ህልውና ያስቀጥላል። ዛሬ ኢትዮጵያ የምትመሰርትው መንግሥትም ይሄን ኀላፊነት የሚረከብ ነው።
መንግሥት ለአንድ ሀገር፦
ሰላምና ደኅንነትን ማስከበር፦ የዜጎችን ሕይወትና መብት በመጠበቅ የሕግ የበላይነት እንዲነግሥ ያደርጋል። የውስጥ ሰላምን በማስከበርና የውጭ ወረራን በመከላከል የሀገርን ሉዓላዊነት ያስከብራል። የኢኮኖሚና የማኅበራዊ እድገት መሪነት፦ ለመሠረተ ልማት ዝርጋታ፣ ለትምህርት፣ ለጤና እና ለሥራ ዕድል ፈጠራ የሚሆኑ ፖሊሲዎችን በማውጣትና በመተግበር የሕዝብን የኑሮ ደረጃ ያሻሽላል። ፍትሕና እኩልነትን ማረጋገጥ፦ የዜጎችን መብት የሚያስክብሩ ሕጎችን በማውጣትና ገለልተኛ የፍትሕ አካላትን በመገንባት፣ ሁሉም ዜጋ በሕግ ፊት እኩል የሚተዳደርበትን ሥርዓት ይዘረጋል። ሀገራዊ አንድነትና ዓለም አቀፍ ተወካይነት፦ ሀገርን በዓለም አቀፍ መድረክ ወክሎ ይሠራል፤ የውጭ ግንኙነትንም ይመራል።በመላኩ ሙሉጌታ
#ትልቅ ሀገር፣ ትልቅ ሕዝብ፣ ታላቅ ርዕይ!
#ባሕር_ዳር፡ መስከረም 25/2019 ዓ.ም
የአሚኮ ዲጂታል ሚዲያ ቤተሰብ ይሁኑ!
