በዲጂታል ኢኮኖሚው የሴቶችን ተሳታፊነት የሚያሳድግ መርሐግብር በደብረ ብርሃን ዩኒቨርሲቲ ተጀመረ።

የመርሐግብሩ ሥራ አሥኪያጅ አሚን አየለ እንዳሉት መርሐግብሩ የሴቶችን ተፎካካሪነት በመጨመር በዲጂታል ኢኮኖሚው ውስጥ ተጠቃሚነታቸውን ለማረጋገጥ ያለመ ነው።

የ4ኛ ዓመት የሶፍትዌር ኢንጂነሪንግ ተማሪ ቃልኪዳን ታመነ በዘርፉ አሁንም ድረስ የሚታየውን የመሠረታዊ አስተሳሰብ ክፍተት ለመቅረፍ አዲሱ የቴክኖሎጂ ማዕከል ለሴት ተማሪዎች ያለው ጠቀሜታ የጎላ መኾኑን ገልጻለች።

የደብረ ብርሃን ዩኒቨርሲቲ ፕሬዝዳንት አስማረ መለሰ (ዶ.ር) ማዕከሉ ያገኘው ጥራት ያለው የኮምፒውተር ድጋፍ የምርምር እና የመማር ማስተማር ሂደቱን በእጅጉ እንደሚያቀላጥፈው ጠቅሰው፣ ድጋፉን በአግባቡ በመጠቀም የሴት ተማሪዎችን ተጠቃሚነት ለማረጋገጥ እንደሚሠሩ ተናግረዋል።

በኢኖቬሽን እና ቴክኖሎጂ ሚኒስቴር የዲጂታል ኢኮኖሚ ልማት መሪ ሥራ አሥፈጻሚ ስዩም መንገሻ በበኩላቸው “ዲጂታል ኢትዮጵያን” እውን ለማድረግ በአስተሳሰብ ለውጥ ላይ በትኩረት መሥራት እንደሚገባ አስገንዝበው ለሥራው ውጤታማነት አስፈላጊው ድጋፍ እና ክትትል እንደሚደረግ አረጋግጠዋል።

#ትልቅ_ሀገር_ትልቅ_ሕዝብ_ታላቅ_ርዕይ!

#አሚኮ #ዲጁታል_ኢኮኖሚ #ኢትዮጵያ​

#ደብረ_ብርሃን #መስከረም_22_2019_ዓ_ም

ዘጋቢ፦ዮናስ ታደሰ

‎የአሚኮ ዲጂታል ሚዲያ ቤተሰብ ይሁኑ!