“የኢትዮጵያ ሕዝብ በድምፁ ታሪክ ሠርቷል፤ ለሌብነትና ለመከፋፈል ‘በቃ’ ብሏል!” ጠቅላይ ሚኒስትር ዐቢይ አሕመድ 🇪🇹🕊️

ጠቅላይ ሚኒስትር ዐቢይ አሕመድ (ዶ.ር) በወቅታዊ ጉዳይ ከአሚኮ ጋር ባደረጉት ቆይታ በ7ኛው ሀገራዊ ምርጫ የኢትዮጵያ ሕዝብ ያሳየውን የሰከነ የፖለቲካ ብስለትና ለዴሞክራሲ ያለውን ጽኑ ፍላጎት አድንቀዋል። ምርጫው የዴሞክራሲ የልብ ትርታ መሆኑን የገለጹት ጠቅላይ ሚኒስትሩ፣ ሕዝቡ በድምፁ ግልጽ መልዕክቶችን ማስተላለፉን ገልጸዋል።

የንግግራቸው ዋና ዋና ነጥቦች፦
✍️ የሕዝብ ተሳትፎ፦ ከ54 ሚሊዮን በላይ ሕዝብ ተመዝግቦ በሰላማዊ መንገድ ድምጹን መስጠቱ፣ ኢትዮጵያዊያን ለሀገረ መንግሥት ግንባታ ያላቸውን ዝግጁነት ያሳየ ነው።

✍️ “በቃ” የተባሉ ጠንቆች፦ ህዝቡ በድምፁ ሌብነትን፣ ተግባር አልባነትን እና የመከፋፈል ትርክቶችን አጥብቆ እንደሚቃወም በተግባር አሳይቷል። “ሌብነትና ስንፍና አይወክሉኝም” የሚል ግልጽ መልዕክት አስተላልፏል።

✍️ የስልጣን ሽግግር፦ ከእንግዲህ በኋላ በኢትዮጵያ ውስጥ ከምርጫና ከሕዝብ ይሁኝታ ውጭ ሌላ የስልጣን መገኛ መንገድ ሊኖር እንደማይችል የተረጋገጠበት ነው።

✍️ ቀጣይ አምስት ዓመታት፦ መንግሥት ከሕዝብ የተቀበለውን አደራ በታማኝነት ለመወጣትና በሚቀጥሉት አምስት ዓመታት በኢኮኖሚና በፖለቲካ ዘርፎች ትልቅ ለውጥ ለማምጣት ቁርጠኛ መሆኑን አረጋግጠዋል። “ሕዝቡ በግልጽ ቋንቋ ተናግሯል፤ እኛም ሰምተናል። የሰማነውን ደግሞ በተግባር ለመተርጎም ሌት ተቀን እንሰራለን” ሲሉ ጠቅላይ ሚኒስትሩ ገልጸዋል።

#ኢትዮጵያ #ዐቢይአሕመድ #ዴሞክራሲ #አንድነት #Ethiopia #AmecoPMAbiyAhmed