🌍 ለእኛ የመጀመሪያ፤ የዓለም ሀገራትን ከቀውስ ያወጣ የሰላም ጋሻ – ሀገራዊ ምክክር 🕊️

🌍 ሀገራዊ ውይይቶች ሀገራትን ከፖለቲካ ቀውስ በማውጣት ወደ ተረጋጋ የፖለቲካ ሽግግር የሚመሩ አካታች፣ ሰፊ እና አሳታፊ መድረኮች ናቸው።

የፖለቲካ ማሻሻያዎችን፣ ሕገ መንግሥት ማርቀቅን እና የሰላም ግንባታን ዓላማ ያደረጉም ናቸው። ብሔራዊ ውይይቶች በተለይም በትጥቅ አመጽ ወይም በፖለቲካዊ ተቃውሞዎች ምክንያት የሚፈጠሩ የረጅም ጊዜ የግጭት መንስኤዎችን በዘላቂነት ለመፍታት ወሳኝ ሚናም ይጫወታሉ፤ ተጫውተዋልም።

ከቤኒን እና ከየመን እስከ አፍጋኒስታን እና ደቡብ አፍሪካ ባሉ 17 ሀገራት ላይ የተደረጉ ጥናቶች እንደሚያሳዩት ይህ ሂደት አዲስ ሳይኾን ለዓመታት በተለያዩ ሀገራት ሲተገበር የቆዬ የሰላም ግንባታ ስትራቴጂ ነው።

⚖️ እነዚህ ሀገራዊ የውይይት መድረኮች በዋናነት በሦስት መሠረታዊ ውክልናዎች ላይ እንደሚያተኩሩ በጄኔቫ በሚገኘው ዓለም አቀፍ የልማት ጥናት ኢንስቲትዩት (IPTI) ድረ ገጽ ላይ የተጋራው ጥናታዊ ጽሑፍ ያስረዳል።

👉የፖለቲካ ሥርዓት በማሻሻል ዴሞክራሲን መገንባት፤

👉ሁከትን በማስቆም እና ውጥረትን በማርገብ ዘላቂ የሰላም ፈጠራ ላይ መሥራት፤

👉 የሀገርን ሕገ መንግሥት ማርቀቅ ወይም ማሻሻል የሚሉ ናቸው።

ለአብነት የቤኒን ብሔራዊ ጉባኤ መጀመሪያ ላይ አማካሪ ብቻ የነበረ ቢኾንም በኋላ ላይ ሉዓላዊ አካል በመኾን አዲስ ሕገ መንግሥት በማጽደቅ ሀገሪቱን ወደተረጋጋ ዴሞክራሲ ማሸጋገር ችሏል።

🤝 አንድ ሀገር ወደ ብሔራዊ ውይይት እንድታመራ የሚያደርጓት አብዛኛውን ጊዜ ከባድ የፖለቲካ ቀውስ ሲፈጠር ነው።

✊🏽🕊️ በሥልጣን ላይ ባሉ መንግሥታት ላይ የሚነሱ ሕዝባዊ አመጾች እና ሰልፎች (እንደ ቱኒዚያ እና ግብፅ)፤ የከፋ ጦርነት እና የትጥቅ ግጭት (እንደ ሶማሊላንድ እና ቦገንቪል /ፓፑዋ ኒው ጊኒ) ብሔራዊ ውይይቶች እንዲጀመሩ ትልቅ አስተዋጽኦ አድርገዋል። በአጭር ጊዜ ውስጥም ቅሬታዎችን ከጎዳ እና ወደ መደበኛ ጠረጴዛ በማምጣት ሁከትን የመቀነስ ትልቅ አቅም ፈጥረዋል።

🌟 የአንድን ብሔራዊ ውይይት ስኬት ወይም ውድቀት የሚወስኑ ቁልፍ ጉዳዮች በርካታ ናቸው። ብሔራዊ ውይይት የንድፍ አወቃቀሩ፤ የውክልና ደረጃው እና የኃይል ሥርጭቱ ሚዛኑን የጠበቀ ሲኾን ጥልቅ የፖለቲካ ቀውሶችን በመፍታት ሀገርን ወደ ተሻለ ዴሞክራሲያዊ ሽግግር እና ዘላቂ ሰላም ሊመራ የሚችል ታላቅ ሀገራዊ ፕሮጀክት ነው።

ኢትዮጵያ ዓለም አቀፍ መርሆዎችን ጠብቃ ሀገራዊ መግባባትን፣ ዘላቂ ሰላምን እና ሰላማዊ የፖለቲካ ባሕልን ለመገንባት እየመከረች ነው።

ኢትዮጵያ እያካሄደችው ያለውን ታሪካዊ የምክክር ሂደት በስኬታማነት ለመወጣት የሁሉንም ቁርጠኝነት ይጠይቃል።

ጥናቶች እንደሚያሳዩት የልሂቃን ድጋፍ ወይም ተቃውሞ የብሔራዊ ውይይቶችን ውጤት የሚወስን ዋነኛ ሞተር በመኾኑ በሂደቱ ላይ ተጽዕኖ ፈጣሪ የኾኑ ወገኖች መድረኩን ለራሳቸው ወገንተኛ ፍላጎት እንዳያውሉት እና ለሀገር ሰላም በቅንነት እንዲቆሙ ማድረግ ያስፈልጋል።

🌟 ይሄን ታሪካዊ ጉባኤ በአግባቡ መጠቀም
ኢትዮጵያን ከግጭት ፖለቲካ በማውጣት ወደተሻለ ዴሞክራሲያዊ ሽግግር እና ዘላቂ ሰላም ይመራታል።

#ሀገራዊምክክር
#NationalDialogueEthiopia
#ባሕር_ዳር #ሐምሌ13_2018 ዓ_ም

በስማቸው አጥናፍ

የአሚኮ ዲጂታል ሚዲያ ቤተሰብ ይሁኑ!