🇪🇹 የሕዝብን የአገልግሎት ምሬት እያስቀረ ያለው መሶብ የአንድ ማዕከል አገልግሎት

ባሕር ዳር: ሰኔ 19/2018 ዓ.ም (አሚኮ) ዜጎች በአንዳንድ በመንግሥት ተቋማት አገልግሎት ለማግኘት በርካታ ቀናት ደጅ ሲጠኑ ይስተዋላል። አገልግሎት ለማግኘት የእጅ መንሻ የሚጠየቁትም ብዙዎች ናቸው።

ይህንን ብልሹ አሠራር ታሪክ አድርጎ ለማስቀረት መንግሥት በወሰደው ጠንካራ የለውጥ እርምጃ መሶብ የአንድ ማዕከል አገልግሎትን ይፋ አድርጎ ወደ ሥራ ከገባ ቆይቷል።

👉 ለመኾኑ የመሶብ አንድ ማዕከል አገልግሎት ምን አዲስ ነገር አመጣ?

✅ የወረቀት አሠራርን በማስቀረት አገልግሎቶች በቴክኖሎጅ እንዲታገዙ አድርጓል።

✅ አገልግሎቶች በአንድ ማዕከል ይሰጣል።
✅ ተጠያቂነት የሚረጋገጥበት ነው።

👉የመሶብ አንድ ማዕከል አገልግሎት ምን ጠቀሜታ አለው?

✅ የዜጎችን እንግልት ያስቀራል።

✅ ዜጎች ለአገልግሎት የሚያባክኑትን ጊዜ ጉልበት እና ገንዘብን ይቀንሳል።

✅ ብልሹ አሠራርን ያስቀራል።
✅ ቀልጣፋ አገልግሎት እንዲያገኙ ያስችላል።

መሶብ የአንድ ማዕከል ነጻ እና ገለልተኛ፣ እውነተኝነት እና ልህቀት፣ ቅልጥፍና እና ውጤታማነት፣ ተባባሪነት፣ አካታችነት እና ሙያዊነትን አጉልቶ የሚያሳይ ማዕከል ነው።

ጠቅላይ ሚኒስትር ዐቢይ አሕመድ (ዶ.ር) ስለ መሶብ የአንድ ማዕከል አገልግሎት ሲገልጹ መሶብ የአንድ ማዕከል አገልግሎት ሕዝብ በአገልግሎት ዙሪያ የሚያሰማውን ምሬት የሚያስቀር ነው ብለዋል።

🤳 የሀገር በቀል የሶፍትዌር ሲስተምን በመጠቀም የበለጸገው ማዕከል ወጣቶች ሥራቸውን ወደው እንዲያገለግሉ የሚያስችል መኾኑን ተናግረዋል።

ሁሉንም አገልግሎቶች በአንድ ማዕከል የሚያገኙበት ድንቅ ሪፎርም መኾኑን ተናግረዋል። ብልሹ አሠራርን የሚያስቀር እና ቀልጣፋ አገልግሎትን ለማሳለጥ የሚያግዝ ነው ብለዋል።

የመሶብ የአንድ ማዕከል አገልግሎትን በሀገሪቱ ለማስፋት በትኩረት እንደሚሠራም ገልጸዋል።

በሀገሪቱ በተለያዩ ከተሞች የተጀመረው የመሶብ አገልግሎት በተንቀሳቃሽ🚍 የተሽከርካሪ አገልገልግሎት ታግዞ ለማኅበረሰቡ አገልግሎት እየሰጠ ይገኛል።

መሶብ የአንድ ማዕከል አገልግሎት በአማራ ክልል በተለያዩ ከተሞች መሰጠት ተጀምሯል።

የአማራ ክልል ርእሰ መሥተዳድር አረጋ ከበደ ስለ መሶብ የአንድ ማዕከል አገልግሎት ሲናገሩ መሶብ ኋላ ቀር እና ብልሹ አሠራርን በማስቀረት በቴክኖሎጅ የታገዘ ፈጣን አገልግሎት ለመስጠት ያስችላል ብለዋል።

በክልሉ የመሶብ አገልግሎትን ለማስፋት እየተሠራ መኾኑንም ተናግረዋል። “መንግሥት ለዜጎቹ የሚሰጠው ሰው ተኮር ተግባር ነው” ያሉት ርእሰ መሥተዳድሩ አገልግሎትን በማሻሻል የመንግሥት እና የሕዝብን ግንኙነት የሚያሳድግ ነው ብለዋል።

ቀልጣፋ አገልግሎት በመስጠት ለማኅበረሰቡ እርካታ እና ቅቡልነት የሚያሳድግ መኾኑንም ገልጸዋል። የዜጎች ኑሮ እንዲሻሻል፣ ዕድገት እንዲመዘገብ እና ለሀገር ገጽታ አውንታዊ ሚና እንደሚወጣም አንስተዋል።

የተልዕኮ መደራረብን፣ የሥራ መገፋፋትን እና ግዴለሽ አሠራርን እንደሚያስቀርም ገልጸዋል። ግልጸኝነትን እና ተጠያቂነትን የሚያረጋግጥ እንደኾነም ጠቁመዋል።

#አሚኮ ዜና#መሶብ አንድ ማዕከል#አማራ ክልል#ኢትዮጵያ 🇪🇹

ዘጋቢ:-ያየህ ፈንቴ

የአሚኮ ዲጂታል ሚዲያ ቤተሰብ ይሁኑ!