🕊️በማዕከላዊ ጎንደር ዞን በሺህዎች የሚቆጠሩ ታጣቂዎች የሰላም አማራጭን ተቀብለዋል።

ጎንደር: ሰኔ 12/2018 ዓ.ም (አሚኮ) 🤝 መንግሥት በአማራ ክልል ዘላቂ ሰላም እንዲረጋገጥ ለሰላም አማራጮች ቅድሚያ በመስጠት ለታጣቂ ኀይሎች ተደጋጋሚ የሰላም ጥሪ ሲያደርግ ቆይቷል። ይህንን ተከትሎ በተለያዩ የክልሉ አካባቢዎች በርካታ ታጣቂዎች የሰላም አማራጭን እየተቀበሉ ነው።✅

የማዕከላዊ ጎንደር ዞን ሰላም እና ጸጥታ መምሪያ ኀላፊ አንተነህ ታደሰ ለአሚኮ እንደገለጹት በዞኑ ሰላምን ለማምጣት በተሠራው የተቀናጀ ሥራ ውጤት እየመጣ ነው።

🕊️በዞኑ በተደረገው ሁሉን ዓቀፍ የተቀናጀ ጥረት በተያዘው በጀት ዓመት በሺህዎች የሚቆጠሩ ታጣቂዎች የመንግሥትን የሰላም አማራጭ ተቀብለው መግባታቸውን አስታውቀዋል።

የሰላም አማራጭን ከተቀበሉት ታጣቂዎች መካከል አብዛኛዎቹ የተሐድሶ ሥልጠና ወስደው ወደ ማኅበረሰቡ መቀላቀላቸውን ተናግረዋል።

ከሥልጠናው በኋላም ወደ ነበሩበት ሥራ የመመለስ፣ አዳዲስ የሥራ ዕድሎችን የመፍጠር እና የመቋቋሚያ ድጋፍ የማመቻቸት ሥራ በልዩ ትኩረት እየተሠራበት ይገኛል ነው ያሉት።💼🛠️

አሁን ላይ የዞኑ የሰላም ሁኔታ እየተሻሻለ መምጣቱንም ገልጸዋል። ለዚህም ሕዝቡ ለዘላቂ ሰላም ያለው ቁርጠኝነት፣ ታጣቂዎች የሰላም ጥሪን ተቀብለው መመለሳቸው እና አንዳንዶቹም ከተሰጣቸው የተሐድሶ ሥልጠና በኋላ የጸጥታ መዋቅሩን ተቀላቅለው ሰላምን ለማስከበር እየሠሩ መኾናቸው ነው ብለዋል።✅

📣አሁንም የቀሩት ታጣቂዎች ግጭት አውዳሚ መኾኑን በመገንዘብ ሰላማዊ መንገድን መርጠው እንዲመለሱ ጥሪ አቅርበዋል።

የተገኘው አንጻራዊ ሰላም ዘላቂ እንዲኾን ማኅበረሰቡም በጫካ ያሉትን ታጣቂዎች በመምከር ወደ ሰላም እንዲመለሱ እያደረገ ያለውን ጥረት አጠናክሮ መቀጠል እንዳለበትም መልዕክት አስተላልፈዋል።

#አሚኮ_ዜና #ሰላም #አማራ_ክልል #ኢትዮጵያ

ዘጋቢ:- አሰፋ ልጥገበው

የአሚኮ ዲጂታል ሚዲያ ቤተሰብ ይሁኑ!
👇👇👇
https://linktr.ee/Amharamediacorporations

ለኅብረተሰብ ለውጥ እንተጋለን!