“ሕጋዊ መንግሥትን መመሥረት የሚቻለው በምርጫ ብቻ ነው” ተፎካካሪ የፖለቲካ ፓርቲዎች

በቁጠባ ቀበሌ ሸሻበር ቁጥር ሁለት የምርጫ ጣቢያ ለሕዝብ ተወካዮች ምክር ቤት የግል ተወዳዳሪ እጩ ዶክተር ሀሰን ይመር በሰባተኛው ጠቅላላ ምርጫ ሕዝቡ ወጥቶ እየመረጠ መኾኑን መመልከታቸውን ገልጸዋል።

በጠመንጃ ሳይኾን በምርጫ ሂደት ሕጋዊ መንግሥትን ለመመሥረት ሕዝቡ እየመረጠ መኾኑንም መታዘባቸውን ተናግረዋል።

በቢራሮ ክፍለ ከተማ ሦስት መዋለ ሕጻናት ምርጫ ጣቢያ የነጻነት እና ዕኩልነት ፓርቲ የሕዝብ ተወካዮች ምክር ቤት እጩ ተወዳዳሪ ኑርየ እብሬ በምርጫ ሂደቱ ማኅበረሰቡ እያሳየ የሚገኘው ተሳትፎ የሚደነቅ ነው ብለዋል።

በሀሰን ሀገር ክፍለ ከተማ በሚሊኒየም ምርጫ ጣቢያ ድምጻቸውን ሲሰጡ ያገኘናቸው የኢዜማ ፓርቲ የሕዝብ ተወካዮች ምክር ቤት እጩ ተወዳዳሪ ይማም በላይ ምርጫው በዴሞክራሲያዊ መንገድ እየተካሄደ መኾኑን መመልከታቸውን ተናግረዋል።

#election2026 #በምርጫ-ብቻ

#Ethiopian-electio #ኢትዮጵያ-ትመርጣለች

ዘጋቢ:- ያየህ ፈንቴ

የአሚኮ ዲጂታል ቤተሰብ ይሁኑ !

ለኅብረተሰብ ለውጥ እንተጋለን !