🗳️ “ግንቦት 24/2018 ዓ.ም የምንፈልገውን ፓርቲ ለመምረጥ በጉጉት እየጠበቅን ነው” የስማዳ ወረዳ ነዋሪዎች

ባሕር ዳር፡ ግንቦት 15/2018 ዓ.ም (አሚኮ) በስማዳ ወረዳ ከቅርብ ጊዜ ወዲህ በተፈጠረ አንጻራዊ ሰላም የመራጮች ምዝገባ መከናወኑን ስማቸው እንዲገለጽ ያልፈለጉት ነዋሪ ለአሚኮ ተናግረዋል።

እርሳቸውም የምርጫ ካርድ ማውጣታቸውን እና የሚፈልጉትን ፓርቲ ለመምረጥ መዘጋጀታቸውን ገልጸውልናል።

ምርጫው ሰላማዊ ኾኖ እንዲጠናቀቅ እና ጠንካራ መንግሥት እንዲመሠረት የሕግ የበላይነትን አክብሮ መንቀሳቀስ ተገቢ እንደኾነም አንስተዋል።

ሌላኛው የስማዳ ወረዳ ነዋሪ አሁን ላይ መረጋጋት እና አንጻራዊ ሰላም ተፈጥሮ የምርጫ ምዝገባ መደረጉን ገልጸውልናል። የምረጡኝ ቅስቀሳዎች እየተደረጉ እንደኾነም አንስተዋል።

ነዋሪው በወሰዱት ካርድ መሠረት ግንቦት 24/2018 ዓ.ም የሚፈልጉትን ፓርቲ ለመምረጥ በጉጉት እየጠበቁ ነው።

ምርጫው በሰላም እንዲጠናቀቅ ደግሞ የሃይማኖት አባቶች እና የሀገር ሽማግሌዎች በተለያዩ አጋጣሚዎች እያስተማሩ መኾኑን ነግረውናል። እርሳቸውም የበኩላቸውን አስተዋጽኦ እንደሚያበረክቱ ቃል ገብተዋል።

የሀገር እጣ ፈንታ የሚወሰነው በመንግሥት ምሥረታ በመሆኑ ምርጫ ማድረግ ያስፈልጋል ብለዋል።

#አሚኮ #ምርጫ_2018 #ኢትዮጵያ🇪🇹

ዘጋቢ፦ ሮዛ የሻነህ

(ፎቶ ከፋይል)
የአሚኮ ዲጅታል ቤተሰብ ይሁኑ

https://linktr.ee/Amharamediacorporations

ለኅብረተሰብ ለውጥ እንተጋለን !