ድምጽ ከመስጠት ባሻገር ለምርጫው ሰላማዊነት በጋራ መሥራት ይገባል።

የድጋፍ ሰልፉ “በፀና እና በተደራጀ የሴቶች ድምጽ ኢትዮጵያን ወደ ተምሳሌት ሀገር” በሚል መሪ መልዕክት ነው የተካሄደው።

ሰልፈኞቹ ብልጽግና ፓርቲ ባለፉት ዓመታት የሴቶችን ሁለንተናዊ ተሳትፎ እና ተጠቃሚነት የሚያረጋግጡ ዘርፈ ብዙ ተግባራትን ማከናወኑን ተናግረዋል።

በፓርቲው መሪነት የተጀመሩ ግዙፍ ሀገራዊ ፕሮጀክቶች ከግብ እንዲደርሱ በ7ኛው ጠቅላላ ምርጫ ድጋፋቸውን ለመስጠት ዝግጁ መኾናቸውንም ገልጸዋል።

በ7ኛው ጠቅላላ ምርጫ ድምጽ ከመስጠት ባሻገር ለምርጫው ሰላማዊነት በጋራ መሥራት እንደሚገባም ሰልፈኞቹ ገልጸዋል። ለዚህም የበኩላቸውን ድርሻ እንደሚወጡ አረጋግጠዋል።

በድጋፍ ሰልፉ ላይ መልዕክት ያስተላለፉት የእንጅባራ ከተማ አሥተዳደር ተቀዳሚ ምክትል ከንቲባ የኔዓለም ዋሴ ብልጽግና ፓርቲ ፈተናዎችን ወደ ድል እየቀየረ የሀገሪቱን የዕድገት ጉዞ እያፋጠነ ያለ አሻጋሪ ፓርቲ መኾኑን ተናግረዋል።

ፓርቲው የሀገሪቱን ቀጣናዊ እና ዓለም አቀፋዊ ተወዳዳሪነት የሚያሳድጉ ዕቅዶች እንዳሉት ያነሱት ተቀዳሚ ምክትል ከንቲባው ሴቶች ለዕቅዶቹ ተፈፃሚነት በ7ኛው ጠቅላላ ምርጫ ድምጽ በመስጠት አጋርነታቸውን ማረጋገጥ እንዳለባቸው አስገንዝበዋል።

7ኛው ጠቅላላ ምርጫ የሀገሪቱን ሰላም ለማጽናት የሚያስችል ወሳኝ ምዕራፍ መኾኑንም ገልጸዋል።

#አሚኮ_ዜና #7ኛው_ምርጫ #እንጅባራ #አማራ_ክልል #ኢትዮጵያ

የአሚኮ ዲጅታል ቤተሰብ ይሁኑ

ለኅብረተሰብ ለውጥ እንተጋለን !