ሥልጣን የሚገኘው በካርድ ብቻ ነው።

የመራዊ ከተማ አሥተዳደር ከንቲባ ብርሃኑ አበራ ነዋሪዎች የሥልጣን ሽግግር ከሰላማዊ መንገድ ውጭ ሊሳካ እንደማይችል በመገንዘብ በከፍተኛ ንቅናቄ የምርጫ ካርድ ማውጣታቸውን ገልጸዋል።

ሕዝቡ ሥልጣን የሚገኘው በኃይል ሳይኾን በሰላማዊ መንገድ እና በካርድ ብቻ ነው ብሎ ያምናል፤ በዓደባባይ በሚደረጉ የምርጫ ቅስቀሳዎች ላይ የሚታየው ተሳትፎም የዚሁ ማሳያ ነው ብለዋል። ይህም ማኅበረሰቡ በነጻነት የራሱን መሪ ለመምረጥ ያለውን ጽኑ ፍላጎት ያሳየ እንደኾነ ተናግረዋል። ምርጫውን በስኬት ለማጠናቀቅም የተለያዩ ቅድመ-ዝግጅቶች እየተደረጉ መኾናቸውን አንስተዋል።

ማኅበረሰቡ ከሥነ-ልቦና፣ ከኢኮኖሚ እና ከማኅበራዊ ጫናዎች መውጣት የሚችለው በምርጫ ብቻ መኾኑን አስገንዝበዋል።

ሕዝቡ ሰላምን፣ መረጋጋትን እና የኢኮኖሚ እድገትን በሚያረጋግጥ መልኩ ነጻ፣ ገለልተኛ እና ፍትሐዊ በኾነ የምርጫ ሂደት ላይ በመሳተፍ የራሱን ዕድል በራሱ እንዲወስንም ጥሪ አቅርበዋል።

ዘጋቢ፦ ስማቸው አጥናፍ

የአሚኮ ዲጅታል ቤተሰብ ይሁኑ

ለኅብረተሰብ ለውጥ እንተጋለን !