🕊 “ሰላም ለንግድ፣ 🗳️ ድምፅ ለሀገር” 🇪🇹

ባሕር ዳር: 08/2018 ዓ.ም (አሚኮ) ምርጫው ሰላማዊ፣ ዴሞክራሲያዊ እና ፍትሐዊ እንዲኾን፤ ለሂደቱ ስኬታማነት የዜግነት ግዴታቸውን ለመወጣት ዝግጁ መኾናቸውን የባሕር ዳር ከተማ አሥተዳደር የንግዱ ማኅበረሰብ ክፍሎች ነግረውናል።
​
​በከተማው በንግዱ ዘርፍ የተሠማሩት ራሄል ሽባባው ምርጫ ለአንድ ሀገር ሰላማዊ የሥልጣን ሽግግር ዋነኛ መድረክ መኾኑን ተናግረዋል።

የንግዱ ማኅበረሰብ ይወክለኛል የሚሉትን ፓርቲ ለመምረጥ የምርጫ ካርድ ወስደው እየተጠባበቁ መኾኑን ታዝቤያለሁ ብለውናል። ምርጫው ስኬታማ እንዲኾን “የምርጫው ጉዳይ እኔንም ይመለከታል ብሎ ማሰብ እንደሚያስፈልግም” አጫውተውናል።

ሌላኛው በባሕር ዳር ከተማ በንግዱ ዘርፍ የተሠማሩት አበበ ሞላ የምርጫ ካርድ ከወሰዱበት ጊዜ ጀምሮ ይመራኛል የሚሉትን ፓርቲ ለመምረጥ በሙሉ መተማመን መዘጋጀታቸውን ገልጸዋል።

“አንድ ድምፅ ትልቅ ዋጋ አለው” ያሉት አቶ አበበ ለሀገራቸው አሻራ ለማስቀመጥ በመዘጋጀታቸው ኩራት እንደሚሰማቸውም ተናግረዋል።

ነግዶ ማትረፍ የሚቻለው ሀገር ሲኖር ነው ያሉት አቶ አበበ ሀገርን መገንባት የሚቻለው ደግሞ ሰላማዊ ምርጫ ማከናወን ሲቻል እንደኾነ ነው ያስረዱት።

የንግዱ ማኅበረሰብ ሰላምን የማጽናት እና የልማት ሥራዎችን የመደገፍ ኀላፊነቱን እየተወጣ መኾኑንም አንስተዋል። በምርጫ በመሳተፍ ሀገራዊ ራዕይን ለማሳካት መሥራት እንደሚገባም ገልጸዋል።

የንግድ እንቅስቃሴውን ማሳለጥ የሚቻለው ሰላማዊ ምርጫ ማካሄድ ሲቻል ነው ብለዋል። በሀሳብ ልዕልና መተማመን ይጎለብታል ነው ያሉት። ሰላም ለንግድ፤ ድምፅ ለሀገር መሠረታዊ ነውም ብለዋል።

የንግዱ ማኅበረሰብ ሰባተኛው ጠቅላላ ምርጫ ፍትሐዊ፣ ነጻ እና ተዓማኒ ኾኖ እንዲጠናቀቅ እንደ አንድ ዜጋ የበኩላቸውን ለመወጣት በቁርጠኝነት መዘጋጀታቸውንም አንስተዋል።

ዘጋቢ፦ ሥራውድንቅ ደሳለው

🕊️🗳️ #ምርጫ2018 #ኢትዮጵያ🇪🇹

የአሚኮ ዲጅታል ቤተሰብ ይሁኑ

https://linktr.ee/Amharamediacorporations

ለኅብረተሰብ ለውጥ እንተጋለን !
‎