ምርጫ የሥልጡንነት መገለጫ!

በመድረኩ ላይ የተገኙት የአዊ ብሔረሰብ አስተዳደር ምክትል አስተዳዳሪ አይተነው ታዴ ብልጽግና ተጨባጭ ሀገራዊ ልማቶችን ሠርቶ ያሳየ እና እየሰራም ያለ ፓርቲ ስለመኾኑ ገልጸዋል።

የከተሞችን ውበት ይበልጥ በመግለጥ ለነዋሪዎች ምቹ ለማድረግም ኮሪደር ልማት ላይ በስፋት እየሠራ ይገኛል ብለዋል። የግብርና ምርት እና ምርታማነትን በማሳደገ ረገድ ውጤቶችን ማስመዝገቡን ገልጸዋል።

ብሔረሰብ አሥተዳደሩ በርካታ የብልጽግና ቱሩፋቶች ተጠቃሚ መሆኑን ያነሱት አቶ አይተነው በቅርቡ ወደ ሥራ የተመለሰውን የጣና በለስ ስኳር ፋብሪካ እንዲሁም ስድስት የሚሆኑ የአስፋልት መንገዶች በቀጣይ የሚጠናቀቁ መሆናቸውንም ተናግረዋል።

“ምርጫ የሥልጡንነት መገለጫ ነው” ያሉት ምክትል አሥተዳዳሪው ሕዝቡ በቀጣይ አምስት ዓመታት የሚመራውን መሪ ለመምረጥ መብቱን እንዲጠቀም አስገንዝበዋል።

የዳንግላ ከተማ አስተዳደር ተቀዳሚ ምክትል ከንቲባ ካሳሁን አስማረ ብልጽግና በሁሉም ዘርፎች ለውጥ እያመጣ ያለ ፓርቲ ነው ብለዋል።

ትልልቅ ፕሮጀክቶችን ጀምሮ የሚፈጽም ፓርቲ እንደሆነም ተናግረዋል ።

የመድረኩ ተሳታፊዎችም ብልጽግና ሁለንተናዊ ለውጥ ውስጥ ያለ በመሆኑ ቀጣይም ከፓርቲው ጎን ኾነው እንደሚሠሩ ገልጸጸዋል።

#ሰላም #ምርጫ2018 #ኢትዮጵያ

የአሚኮ ዲጅታል ቤተሰብ ይሁኑ

ለኅብረተሰብ ለውጥ እንተጋለን!