በአማራ ክልል ስኬታማ ምርጫ ለማካሄድ የሚያስችል የፓለቲካ ምሕዳር ተፈጥሯል።

በአማራ ክልል ብልጽግና ፓርቲ ቅርንጫፍ ጽሕፈት ቤት የዴሞክራሲ ባሕል ግንባታ ዘርፍ ኀላፊ መስፍን አበጀ (ዶ.ር) በምርጫው ለመሳተፍ የሚያስችል ሰፊ የፖለቲካ ምሕዳር መኖሩን ተናግረዋል።

በዚህም ከበፊቱ በተሻለ መንገድ ፓርቲዎች ፕሮግራሞቻቸውን እና አማራጭ ሀሳቦቻቸውን በተለያዩ አማራጮች ሲያስተዋውቁ መቆየታቸውንና እያስተዋወቁ መሆኑን አብራርተዋል።

የምርጫ ቅስቀሳዎች እና የክርክር መድረኮችም በነጻነት ሲከናወኑ መቆየታቸውን ጠቁመዋል። በሂደቱም ብልጽግናን ጨምሮ በርካታ ፓርቲዎች በንቃት መሳተፋቸውን ተናግረዋል።

የሚያጋጥሙ ችግሮችንም በየጊዜው እየተገናኙ በመፍታት ለምርጫው ዝግጅት ለማድረግ አስቻይ ሁኔታዎች እንደተፈጠሩም ነው የተናገሩት።

በሂደቱም በክልሉ የፖለቲካ ምሕዳሩ ከጊዜ ወደ ጊዜ እየተሻሻለ መምጣቱን የሚያመላክት ስለመኾኑም ተናግረዋል።

#አሚኮ #ምርጫ2018 #ኢትገዮጵያ

የአሚኮ ዲጅታል ቤተሰብ ይሁኑ

ለኅብረተሰብ ለውጥ እንተጋለን!