ባሕር ዳር፡ ግንቦት 05/2018 ዓ.ም (አሚኮ) የአሜሪካው ፕሬዚዳንት ዶንላንድ ትራንፕ ከቻይናው አቻቸው ጋር ለመወያየት ዛሬ ቻይና ቤጅንግ መግባታቸውን ሲኤንኤን ዘግቧል። ሁለቱ ኃያላን ሀገራት በመሪዎች ደረጃ የሚያደርጉት ውይይትም ዓለም የሚጠብቀው ጉዳይ ኾኗል።
ትራንፕ በቤጅንግ ቆይታቸው በሆርሙዝ ሰርጥ ጉዳይ ከፕሬዝዳንት ሺ ጂንፒንግ ጋር እንደሚወያዩም ተጠባቂው ጉዳይ ነው።
ከአሜሪካዊ ቱጃሮች መካከል የቴስላው ባለቤት ኢሎን መስክ እና የአፕል ዋና ሥራ አስኪያጅ ቲም ኩክ ከፕሬዝዳንት ትራንፕ ልዑክ ጋር አብረው ወደቻይና የተጓዙ የንግድ ዘርፍ መሪዎች ናቸው። የቱጃሮች ጉዞ የአሜሪካ ኩባንያዎችን የቻይና የገበያ ሚዛን ለማስተካከል ያለመ እንደኾነ ተጠቁሟል። በአሜሪካ እና በቻይና መካከል የነበረውን የንግድ ጦርነት የማርገብ የሚያስችል ውይይትም እንደሚያደርጉ ተጠባቂ ነው።
የአሚኮ ዲጅታል ቤተሰብ ይሁኑ
ለኅብረተሰብ ለውጥ እንተጋለን!
