
በባንክ ኦፍ አሜሪካ የቀረበው የ2019 ታላቁ ሩጫ በኢትዮጵያ የ10 ኪሎ ሜትር የጎዳና ውድድር ዛሬ ተካሂዷል።
በውድድሩ ከ60 ሺህ በላይ ሕዝብ ተሳታፊ ሆኗል። የተለያዩ የውጭ ሀገር ዜጎችና ዲፕሎማቶችም በውድድሩ ተሳትፈዋል።
የታለቁ ሩጫ በኢትዮጵያ መስራች ሻለቃ አትሌት ኀይሌ ገብረሥላሴ ታላቁ ሩጫ በተሳታፊዎች ቁጥርና በተቋም አደረጃጀት እያደገ መምጣቱን ተናግሯል።
በዘንድሮው ውድድር ባንክ ኦፍ አሜሪካ የታለቁ ሩጫ አጋር በመሆኑ በፋይናንስ ረገድ ካለው እገዛ በተጨማሪ የውድድሩን ደረጃ ከፍ ማድረጉንም አትሌት ኀይሌ ተናግሯል።
ታለቁ ሩጫ በቀጣይ ተተኪ ትውልድ ላይ ትኩረት አድርጎ እንደሚሠራ በመግለፅ በዘንድሮው ውድድርም ለመጀመሪያ ጊዜ ከተለያዩ ትምህርት ቤቶች የተውጣጡ ከ3 ሺህ በላይ ተማሪዎች በባንክ ኦፍ አሜሪካ ድጋፍ ተሳታፊ መሆናቸውን ገልጿል።
የተሳታፊዎች ቁጥጥር በጊዜ ሂደት እያደገ መምጣቱን በማስታወስም በቀጣዮቹ ዓመታት የተሳታፊዎችን ቁጥር 70 ሺህ ለማድረስ እቅድ መያዙን ነው አትሌት ኀይሌ ከዛሬው ውድድር በኋላ የተናገረው።
የባሕል እና ቱሪዝም ሚኒስትሯ ሰላማዊት ካሳ በበኩላቸው ታለቁ ሩጫ በኢትዮጵያ ለስፖርት ቱሪዝም ያለው አበርክቶ ከፍተኛ መሆኑን ገልፀዋል።
በርካታ የውጭ ዜጎችና ዲፕሎማቶች ተሳታፊ መሆናቸውን በማንሳትም ታላቁ ሩጫ ለሀገር ገፅና ግንባታ ሚናው የላቀ ነው ብለዋል ሚኒስትሯ።
ታላቁ ሩጫ ኢትዮጵያና አዲስ አበባ ታላላቅ ሁነቶችን በስኬት የማስተናገድ አቅም እንዳላቸው ለዓለም ማሳያ መድረክ መሆኑንም ጠቁመዋል።
አትሌቲክስ የኢትዮጵያ ምድረ ቀደምትነት አንድ ማሳያ ነው ያሉት ሚኒስሯ ሰላማዊት ካሳ ሀገራችን የአትሌቶች ምድር መሆኗን ለዓለም ለማሳየትም ታለቁ ሩጫ ጉልህ አበርክቶ አለው ብለዋል።
የ2019 ታላቁ ሩጫ በኢትዮጵያ የ10 ኪሎ ሜትር የጎዳና ውድድር ዛሬ ሲካሄድ በወንዶች ይስማው ድሉ ከአማራ ፖሊስ በሴቶች ደግሞ የኔዋ ንብረት አሸናፊ ሆነዋል።
በወንዶች ይስማው ድሉን በመከተል ታደለ ሞሴ እና
ሮባ መርጋ 2ኛ ኦና 3ኛ ሆነው ጨርሰዋል።
በሴቶች አልማዝ ዮሀንስ እና ዓለምነሽ ጥላየ ሁለተኛና ሶስተኛ ሆነው አጠናቀዋል።
አሸናፊ አትሌቶችም 5 መቶ ሺህ ፣2 መቶ ሺህና በመቶ ሺህ ብር እንደየ ደረጃቸው ከታላቁ ሩጫ ተሸልመዋል
#የመደመር_መንግሥት!
#ትልቅ_ሀገር_ትልቅ_ሕዝብ_ታላቅ_ርዕይ! 🇪🇹
#ባሕር_ዳር #ኅዳር_13_2019_ዓ_ም
የአሚኮ ዲጂታል ሚዲያ ቤተሰብ ይሁኑ!
