🌾 ዘመናዊ ግብርና ለምግብ ሉዓላዊነት

የሰሜን ጎጃም ዞን ግብርና መምሪያ በዘመናዊ ግብርና፣ በሰብል ምርታማነት እና መስኖ ልማት ላይ ያተኮረ የምክክር መድረክ አካሂዷል።

የሰሜን ጎጃም ዞን ምክትል አሥተዳዳሪ እና የግብርና መምሪያ ኀላፊ በለጠ ጥጋቡ ዘመናዊ ግብርና ለምግብ ሉዓላዊነት፣ ለኢንዱስትሪ እና ለውጭ ገበየ በሚል በሦስት ዋና ዋና አቅጣጫዎች ዙሪያ በትኩረት እየተሠራ መኾኑንም ገልጸዋል።

በክረምት ከለማው 321 ሺህ ሄክታር በላይ መሬት በተጨማሪ የመስኖ ልማት ለማስፋፋት በትኩረት እየተሠራ እንደኾነ ተናግረዋል።

ባለፈው ዓመት ከለማው 42 ሺህ ሄክታር በመነሳት ዘንድሮ በሁለት ዙር 71 ሺህ ሄክታር መሬት በመስኖ ለማልማት መታቀዱን ገልጸዋል።

በዚህም 7 ነጥብ 1 ሚሊዮን ኩንታል ምርት ለማግኘት ቅድመ ዝግጅት ተደርጓል ነው ያሉት። በመስኖ ከሚለማው መሬት 37 ሺህ ሄክታር መሬት በበጋ ስንዴ የሚሸፈን ይኾናል ብለዋል።

የሰሜን ጎጃም ዞን አሥተዳዳሪ አሰፋ ጥላሁን ከ10 በመቶ በላይ የግብርና ምርታማነት እድገትን ለማረጋገጥ መታቀዱን ገልጸዋል።

ይህ ግብ የሚሳካው የሰብል ምርታማነትን፣ የእንስሳት፣ ዓሳ ሀብትን እና የመስኖ ልማትን በመጨመር እንደኾነም ጠቅሰዋል። ዞኑ ያለውን ሰፊ የተፈጥሮ ጸጋ፣ የውኃ እና የሰው ኃይል አቅም

በመጠቀም መሪዎች እና ባለሙያዎች ተቀናጅተው ዕቅዱን ለማሳካት መሥራት እንዳለባቸውም አስገንዝበዋል።

በምክክር መድረኩ ላይ የተሳተፉት የወረዳ ግብርና ኀላፊዎች እና አሥተዳዳሪዎች በየወረዳዎቻቸው ለመስኖ ልማት፣ ለአቮካዶ እና ለቡና ኩታገጠም ልማት የተሻለ ዝግጅት እና የልማት እንቅስቃሴ እየተደረገ መኾኑን ገልጸዋል።

ካለፈው ዓመት የተሻለ አፈጻጸም ለማስመዝገብ ዝግጁ መኾናቸውንም ተናግረዋል።

#የመደመር_መንግሥት!

#ትልቅ_ሀገር_ትልቅ_ሕዝብ_ታላቅ_ርዕይ!🇪🇹

#ባሕር_ዳር #ጥቅምት_28_2019_ዓ_ም

✍️ ዘጋቢ፦ ሮዛ የሻነህ

የአሚኮ ዲጂታል ሚዲያ ቤተሰብ ይሁኑ!