ሩሲያ የኢትዮጵያን ሰላማዊ የኒውክሊየር ልማት እንደምትደግፍ አስታወቀች።

የሩሲያ የውጭ ጉዳይ ሚኒስትር ሰርጌይ ላቭሮቭ 3ኛውን የሩሲያ-አፍሪካ ጉባኤ አስመልክተው ከአፍሪካ የሚዲያ ባለሙያዎች ጋር ባደረጉት ውይይት የአፍሪካ ሀገራት ከኒውክሊየር ሳይንስ እና ቴክኖሎጂ ተጠቃሚ እንዲኾኑ ሩሲያ እንደ ኢትዮጵያ ካሉ ሀገራት ጋር በትብብር እየሠራች መኾኑን አብራርተዋል።

ሩሲያ ከአፍሪካ ሀገራት ጋር የመሠረተችው ግንኙነት መከባበርን፣ የጋራ ተጠቃሚነትን፣ የሀገራቱን ፍላጎት እና ብሔራዊ ጥቅም ማዕከል ያደረገ መኾኑን ገልጸዋል።

ከኢትዮጵያ ጋር በሰላማዊ የኒውክሊየር ልማት ላይ በተጀመረው ትብብር የኢትዮጵያውያን ባለሙያዎችን አቅም ማብቃት ትኩረት የተሰጠው ዋና ጉዳይ መኾኑንም ተናግረዋል።

ኢቢሲ እንደዘገበው ሀገራቸው በዚህ ዘርፍ ያላትን ሰፊ አቅም እና ልምድ ለማካፈል ሙሉ ዝግጁ መኾኗንም ገልጸዋል።

#የመደመር_መንግሥት!

#ትልቅ_ሀገር_ትልቅ_ሕዝብ_ታላቅ_ርዕይ!

#ባሕር_ዳር #ጥቅምት_18_2019_ዓ_ም

የአሚኮ ዲጂታል ሚዲያ ቤተሰብ ይሁኑ!