የባሕር ዳር ከተማ ነዋሪዎች የሀገር መከላከያ ሠራዊትን የሚደግፍ እና የኢትዮጵያ ጠላቶችን የሚያወግዝ ሰላማዊ ሰልፍ እያካሄዱ ነው።
በሰልፉ ላይ እየተሳተፉ የሚገኙት የከተማዋ ነዋሪዎች የመከላከያ ሠራዊትን ጀግንነት እና ለሀገር መጽናት እያደረገ ያለውን አስተዋጽኦ እውቅና የሚሰጡ መልእክቶችን እያስተጋቡ ከከተማዋ የተለያዩ አካባቢዎች ወደ አጼ ቴዎድሮስ ስታዲዬም ገብተዋል።
ነዋሪዎቹ:-
መከላከያ ሠራዊታችን የኅብረ ብሔራዊነታችን ማሳያ አርማችን ነው፣“የኢትዮጵያ የባሕር በር ባለቤተነት በልጆቿ መስዋትነት ዕውን ይኾናል”“ከግድቡ ወደ ወደቡ”“ለድል የተወለደው መከላከያ ሠራዊታችን አለኝታችን ነው” መንግሥት ለሰላም መስፈን የሚወስዳቸውን ሥራዎች እንደግፋለን፣ የሚሉ እና ሌሎች መሪ መልዕክቶችን በማሰማት ነው ወደ አደባባይ የወጡት።
ዘጋቢ:- አሰፋ ልጥገበው
የአሚኮ ዲጂታል ሚዲያ ቤተሰብ ይሁኑ!
