ሠንደቅ ዓላማ የአንድነት እና የነጻነት ምልክት ነው።

በክብረ በዓሉ የአማራ ብሔራዊ ክልል ምክር ቤት አፈ ጉባኤ ፋንቱ ተስፋዬ፣ በምክትል ርእሰ መሥተዳድር ማዕረግ የአሥተዳደር ዘርፍ አሥተባባሪ አማኑኤል ፈረደ (ዶ.ር)ን ጨምሮ ሌሎች ከፍተኛ የሥራ ኀላፊዎችም ተገኝተዋል።

አረንጓዴ፣ ቢጫ እና ቀዩ የኢትዮጵያ ሠንደቅ ዓላማ የኢትዮጵያውያን የአንድነት፣ የጀግንነት፣ የነጻነት እና የአሸናፊነት ምልክት ነው። ኢትዮጵያውያን ለሠንደቅ ዓላማቸው ክብር እና ለሀገራቸው ፍቅር ክቡር መስዋዕትነት ሲከፍሉ ኖረዋል።

በሠንደቅ ዓላማቸው ጥላ ሥር ተሰባስበው በአንድነት ጸንተዋል፤ የሀገራቸውን ሉዓላዊነት እና ነጻነት ለዘመናት አጽንተው ኖረዋል። ዛሬም ለሠንደቅ ዓላማቸው እና ለሀገራቸው በአንድነት ቆመዋል።

ሠንደቅ ዓላማ የኢትዮጵያውያን የአርበኝነት እና የማንነት መገለጫ ነው።

#ትልቅ_ሀገር #ትልቅ_ሕዝብ፣ #ታላቅ_ርዕይ

#ባሕር_ዳር #ጥቅምት_02_2019_ዓ_ም

ዘጋቢ:- ታርቆ ክንዴ

የአሚኮ ዲጂታል ሚዲያ ቤተሰብ ይሁኑ!