“ሹመት ኢትዮጵያን ወደ ሥልጣኔ ጉዞ ለማስኬድ ከፍተኛ ጥረት የምናደርግበት ነው” ጠቅላይ ሚኒስትር ዐቢይ አሕመድ (ዶ.ር)

ጠቅላይ ሚኒስትር ዐቢይ አሕመድ(ዶ.ር) የመደመር መንግሥት ካብኔያቸውን ለምክር ቤቱ በእጩነት ያቀረቡት ከትምህርት ዝግጅታቸው ባሻገር የመፈጸም፤ የመከታተል እና በሥነ ምግባር ያላቸውን አፈጻጸም መሠረት በማድረግ እንደኾነ ገልጸዋል።

ጠቅላይ ሚኒስትሩ ካቢኔአቸውን ሲያዋቅሩ በሥራ ልምዳቸው የተሻለ አፈጻጸም ያሥመዘገቡ፤ በቀጣዩ አምስት ዓመታት በትጋት መሥራት የሚችሉ፤ የሕዝብን አደራ መወጣት የሚችሉ፤ ሕዝብ አብዝቶ የሚጠይቀውን ሙስናን የሚጠየፉ፤ ለመከላከል ጥረት የሚያደርጉ፤ ሕዝብን ማገልገል መታደል እና ጸጋ ነው ብለው የሚያምኑ መኾናቸውን ለማረጋገጥ ተሞክሯል ነው ያሉት።

የመደመር መንግሥት እስከ 2050 የሚዘልቅ ግራንድ ስትራቴጂ ዕቅድን አቅዷል። ይህንን ዕቅድ የተረዱ እና የተገነዘቡ መኾናቸው መሠረት ተደርጎ በእጩነት ቀርበዋልም ብለዋል።

የሕዝብን ጥቅም የሚያረጋግጡ እንዲኾኑ ጥረት ተደርጓልም ነው ያሉት። በእጩዎች መረጣ ላይ የብሔር እና የጾታ ሥብጥርን ለመጠበቅ ጥረት መደረጉንም ተናግረዋል።

የካቢኔ እጩ አባላት መሾም ሸክም መኾኑን እንዲገነዘቡ አሳስበዋል። ሹመት የምንዝናናበት ሳይኾን የምንፈጋበት፤ የምንሠራበት ኢትዮጵያን ለማጽናት፤ ለማበልጸግ እና ወደ ሥልጣኔ ጉዞ ለማስኬድ ከፍተኛ ጥረት የሚደረግበት የሥራ መስክ መኾኑንም መገንዘብ ያስፈልጋል ነው ያሉት።

#የመደመር_መንግሥት!

#ትልቅ_ሀገር_ትልቅ_ሕዝብ_ታላቅ_ርዕይ!

#ባሕር_ዳር #መስከረም_28_2019_ዓ_ም

ዘጋቢ:- ያየህ ፈንቴ

የአሚኮ ዲጂታል ሚዲያ ቤተሰብ ይሁኑ!