የመረጃ ምሥጠራ ምን ጥቅም እና ጉዳት አለው?

ባሕር ዳር: ሐምሌ 09/2018 ዓ.ም (አሚኮ) ኢንክሪፕሽን (የመረጃ ምሥጠራ) ማለት ማንኛውንም መረጃ ወደ ምሥጢራዊ ኮድ በመቀየር፣ ትክክለኛውን ትርጉም ካልተፈቀደላቸው ወገኖች የሚደብቅበት ዘዴ መኾኑን የ”ቴክ ታርጌት” (TechTarget) መረጃ ያሳያል።

መረጃዎቻችን ኢንተርኔት ላይም ይኹን ኮምፒውተር ውስጥ ሲቀመጡ ሌላ ሰው እንዳያነባቸው አጋዥ ቴክኖሎጂ ነው።

ነገር ግን ልክ እንደማንኛውም ቴክኖሎጂ ከጥቅሞቹ በተጨማሪ ፈተናዎችም አሉት።

​ጥቅሞቹ. ​የመረጃ ደኅንነት፦ የግል መረጃዎችን፣ የንግድ ምስጢሮችን እና የመንግሥት ሰነዶችን ካልተፈቀደለት አካል ይከላከላል።

. ከጠላፊዎች መከላከል፦ ጠላፊዎች (Hackers) መረጃውን ቢሰርቁት እንኳ ምሥጠራው ስላልተፈታ ሊረዱት እና ሊጠቀሙበት አይችሉም።

​.ፈተናዎች .የቁልፍ መጥፋት አደጋ፦​መረጃውን ለመፍታት የሚያገለግለው “የምስጠራ ቁልፍ” (Decryption Key) ከጠፋ፣ ባለቤቱም ቢኾን መረጃውን ዳግም ላያገኘው ይችላል።

.የቁልፍ አሥተዳደር ውስብስብነት፦ ቁልፎቹን በጥንቃቄ ማስቀመጥ እና ከአደጋ ጊዜ ማገገሚያ (Backup) ጋር ማገናኘት ተጨማሪ ጥንቃቄ እና ቴክኒካዊ እውቀትን ይጠይቃል።

.የሳይበር ጥቃት ሥጋት፦ ጠላፊዎች ይህንኑ ምስጠራ በመጠቀም የድርጅቶችን መረጃ በመቆለፍ “ገንዘብ ካልከፈላችሁ” በማለት ለምዝበራ ሊጠቀሙበት ይችላሉ።

በአጠቃላይ ኢንክሪፕሽን መረጃን ለመጠበቅ እጅግ አስተማማኝ ጋሻ ነው። ነገር ግን “የምስጠራ ቁልፉን” በአግባቡ አለመያዝ የራስን በር በራስ ላይ የመቆለፍ ያህል አደገኛ ያደርገዋል።

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!