የአማራ ክልል የፍርድ ቤቶች ጥሪ ማዕከል በሙሉ አቅሙ ሥራ ጀመረ።

ጠቅላይ ፍርድ ቤቱ እየዘረጋቸው ካሉ ዘመናዊ አሠራሮች መካከል ባለጉዳዮች ፍርድ ቤት በአካል መሄድ ሳይጠበቅባቸው ባሉበት ኾነው አገልግሎት የሚያገኙበት የጥሪ ማዕከል ተጠቃሽ ነው።

ይህም 6152 የጥሪ ማዕከል ሲኾን ከሚሰጣቸው አገልግሎቶች ውስጥ

የጠቅላይ ፍርድ ቤት እና በሁሉም ከፍተኛ ፍርድ ቤቶች ቀጠሮ ለማወቅ

በኢ-ፋይሊንግ የተከፈቱ መዝገቦች ያሉበትን ደረጃ ለማወቅ

የተሰጠ ውሳኔን ለማወቅ

የስማርት ችሎት አገልግሎቶችን ለማወቅ እና ለፍርድ ቤቶች አገልግሎት አሰጣጥ መሻሻል የሚያግዙ ጥቆማዎችን እና አስተያይቶችን ለመስጠት ያገለግላል።

ተገልጋዮች ከግንቦት 17/2018 ዓ.ም ጀምሮ ዘወትር በሥራ ሰዓት ወደ 6152 የጥሪ ማዕከል በመደወል የፈለጉትን መረጃ ባሉበት ኾነው ማግኘት እንደሚችሉም ከክልሉ ጠቅላይ ፍርድ ቤት የተገኘው መረጃ ያመለክታል።

የአሚኮ ዲጅታል ቤተሰብ ይሁኑ

ለኅብረተሰብ ለውጥ እንተጋለን !