ጄጄ ጋብሪኤል ከማንችስተር ዩናይትድ ለመውጣት ልምምድ አቋረጠ።

የ15 ዓመቱ የማንችስተር ዩናይትድ የፊት መስመር ተጫዋች ታዳጊ ጄጄ ጋብሪኤል ክለቡን ለመልቀቅ ጥያቄ ማቅረቡን ተከተሎ ላለፉት ሦሥት ቀናት ከቡድኑ ጋር ልምምድ ሳይሠራ ከክለቡ ርቆ ይገኛል።

ታዳጊው ክለቡን ለቆ ለመውጣት የወሰነ ሲኾን የተጫዋቹ ወኪሎችም ከተለያዩ የአውሮፓ ታላላቅ ክለቦች የቀረቡለትን ጥያቄዎች እና ዝውውሮች እየገመገሙ ይገኛሉ።

ዩናይትዶች በበኩላቸው በክለቡ ከሚገኙ ከፍተኛ ተስፋ ከተጣለባቸው ታዳጊዎች አንዱ የኾነውን ጋብሪኤልን ለማቆየት የሚያስችል መፍትሔ ለማግኘት አሁንም ጥረት በማድረግ ላይ ናቸው።

በሁለቱ ወገኖች መካከል ያለው ውጥረት ግን አሁንም እንደቀጠለ ይገኛል ሲል ማርካ አስነብቧል።

#አሚኮ #ስፖርት

#ባሕር_ዳር #መስከረም_06_2019_ዓ_ም

የአሚኮ ዲጂታል ሚዲያ ቤተሰብ ይሁኑ!