በዓለም ዋንጫው አፍሪካን ከሚወክሉት መካከል ሶማሊያዊው ዳኛ የአሜሪካን ምድር እንዳይረግጡ ተከለከሉ።

ዳኛ ዑመር አርታን ደቡብ ፍሎሪዳ ማያሚ ቢደርሱም የአሜሪካ የሀገር ውስጥ ደኅንነት መሥሪያ ቤት “በደኅንነት ማጣራት ምክንያት ወደ ሀገር ውስጥ ለመግባት ብቁ ኾነው አልተገኙም” በሚል ወደ አሜሪካ እንዳይገቡ መከልከሉን እና ውሳኔውም መጽናቱን ለአልጀዚራ በላኩት ኢሜይል አረጋግጠዋል።

ይህ ውሳኔ አሜሪካ ከዓለም ዋንጫው ጋር በተያያዘ የጣለችውን የጉዞ ገደብ እና የቪዛ አሰጣጥ ፖሊሲ በተመለከተ ከፍተኛ ትችት እና ስጋት እየቀሰቀሰ ይገኛል።

ዳኛ ዑመር አርታን በዓለም ዋንጫ ታሪክ ጨዋታ ለመምራት ዕድል ያገኙ የመጀመሪያው ሶማሊያዊ በመኾን ታሪክ ለመሥራት ተቃርበው የነበረ ቢኾንም በፕሬዝዳንት ዶናልድ ትራምፕ አሥተዳደር ሶማሊያን ባካተተው የጉዞ እገዳ ምክንያት ሳይሳካ ቀርቷል።

የ2026ቱ የዓለም ዋንጫ በአሜሪካ፣ ካናዳ እና ሜክሲኮ በጋራ እየተሰናዳ ይገኛል።

#አሚኮ_ዜና #ስፖርት_እግር_ኳስ

በምስጋናው ብርሃኔ

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!