የኢትዮጵያ ኤሌክትሪክ ኀይል የደሴ ከተማ እና አካባቢዋን የኀይል አቅርቦት ችግር የሚቀርፍ ባለ 230 ኪሎ ቮልት የኀይል ማከፋፈያ ጣቢያ ፕሮጀክትን በአጭር ጊዜ ለማጠናቀቅ እየሠራ ነው።
በኢትዮጵያ ኤሌክትሪክ ኀይል የደሴ ፕሮጀክት ሥራ አሥኪያጅ በሪቻ ሚንታሳ ፕሮጀክቱ የአካባቢውን የኀይል እጥረት እና መቆራረጥን ሙሉ በሙሉ በመቅረፍ አሥተማማኝ የኀይል አቅርቦትን ለከተማው እና ለአካባቢው ለማቅረብ ወደ ግንባታ መገባቱን ተናግረዋል።
ፕሮጀክቱ የአካባቢውን የኀይል አቅርቦት በ12 እጥፍ የሚያሳድግ መኾኑንም ገልጸዋል። ፕሮጀክቱን በሁለት ዓመት ለማጠናቀቅ ታስቦ ሥራ መጀመሩንም አንስተዋል።
ግንባታው የኀይል ማከፋፈያ እና የኀይል ማስተላለፊያ ሁለት ፕሮጀክቶችን እንደያዘም ገልጸዋል።
ሥራውን ለማጠናቀቅ የሚያስፈልጉ ቁሳቁሶች መግባታቸውንም አንስተዋል።
ፕሮጀክቱ ሲጠናቀቅ በደሴ ከተማ እና በዙሪያው ለሚገኙ ወረዳዎች አስተማማኝ ኀይል ከማቅረብ በተጨማሪ በኮምቦልቻ ከተማ በሚገኙ ማከፋፈያ ጣቢያዎች ላይ ያለውን የኀይል ጭነት ለማቃለል ከፍተኛ ሚና ይኖረዋል ተብሏል።
#የመደመር_መንግሥት!
#ትልቅ_ሀገር_ትልቅ_ሕዝብ_ታላቅ_ርዕይ!🇪🇹
#ባሕር_ዳር #ኅዳር_03_2019_ዓ_ም
✍️ ዘጋቢ:- ያየህ ፈንቴ
የአሚኮ ዲጂታል ሚዲያ ቤተሰብ ይሁኑ!
