የአውሮፓ ህብረት ከደን ጭፍጨፋ ነፃ የሆኑ ምርቶችን ብቻ ወደ ገበያው ለማስገባት ያወጣው ጥብቅ መመሪያ (EUDR) በብዙ አምራች ሃገራት ዘንድ ስጋትንና ውጥረትን ፈጥሮ ነበር። ነገር ግን፣ ለዘመናት ከተፈጥሮ ጋር ተስማምቶ የኖረው የኢትዮጵያ የቡና እርሻ ባህል አገራችንን ከእነዚህ ስጋቶች በላይ አድርጓታል።
ከኢትዮጵያ ቡና ምርት ውስጥ 99 በመቶ የሚሆነው ከደን ጭፍጨፋ ነፃ በሆነ መሬት ላይ መመረቱ መረጋገጡ፣ አገራችን ለአዲሱ የአውሮፓ ህብረት መመሪያ ፍጹም ዝግጁ መሆኗን የሚያበስር ታላቅ ስኬት ነው።
ይህ አጋጣሚ የኢትዮጵያ ቡና በዓለም አቀፍ ገበያ ላይ ያለውን ተወዳዳሪነት ወደ ላቀ ደረጃ የሚያሸጋግር ነው።
የአውሮፓ ህብረት ገበያ ለኢትዮጵያ ቡና ከፍተኛ የውጭ ምንዛሪ የሚገኝበት ዋና መዳረሻ እንደመሆኑ መጠን፣ ይህ ማረጋገጫ ያለ ምንም እንቅፋት የንግድ እንቅስቃሴው እንዲቀጥል መንገድ ይከፍታል።
በደን ጥላ ስር የሚበቅለው (Forest Coffee) እና በአነስተኛ አርሶ አደሮች የሚመረተው የቡናችን ባህሪ፣ አካባቢን ከመጠበቅ ባሻገር ዛሬ ለኢኮኖሚያችን ትልቅ የታማኝነት የምስክር ወረቀት ሆኖ አገልግሏል።
ሆኖም ግን፣ ይህ የምስክር ወረቀት የመጨረሻው ምዕራፍ ሊሆን አይገባም። በውጤቱ ሳንካቢበብ፣ የልማትና የመከታተያ ስራችንን ማጠናከር ይኖርብናል።
በተለይም የጂኦ-ቦታ (Geolocation) መረጃዎችን በጥራት የመመዝገብ፣ የምርቱን የኋላ ታሪክ (Traceability) በዲጂታል ቴክኖሎጂ የማደራጀት እና ለአነስተኛ አርሶ አደሮች አስፈላጊውን ድጋፍ የመስጠት ስራዎች በተጠናከረ መልኩ መቀጠል አለባቸው።
በአጠቃላይ፣ የኢትዮጵያ ቡና ከደን ጭፍጨፋ ነፃ መሆኑ መረጋገጡ አገራችን የተፈጥሮ ሀብቷን ጠብቃ ለዓለም ገበያ ጥራት ያለው ምርት ማቅረብ እንደምትችል ያሳየ ትልቅ ማረጋገጫ ነው።
ይህንን ወርቃማ እድል በመጠቀም የገበያ ድርሻችንን ማስፋት፣ የላኪዎቻችንን ተወዳዳሪነት ማሳደግ እና የአርሶ አደሩን ተጠቃሚነት ማረጋገጥ የሁሉም ባለድርሻ አካላት የተቀናጀ ኃላፊነት ሊሆን ይገባል።
#EthiopianCoffee#CoffeeExport#TradeGrowth#supplychainEUDR #DigitalTraceability #ኢትዮጵያ#የኢትዮጵያቡና #ወጪንግድ
