በሞጃ እና ወደራ ወረዳ የሀገር መከላከያ ሠራዊትን የሚደግፍ ሰላማዊ ሰልፍ ተካሂዷል።

በሰሜን ሸዋ ዞን በሞጃ እና ወደራ ወረዳ የሀገር አፍራሽ የባንዳ እና የባዕዳን የጥፋት ድርጊትን የሚያወግዝ እንዲኹም የሀገር መከላከያ ሠራዊትን የሚደግፍ ሰላማዊ ሰልፍ ተካሂዷል።

በሰልፉ መልዕክት ያስተላለፉት የሰሜን ሸዋ ዞን ሰላም እና ጸጥታ ምክትል ኀላፊ ዓባይ ድሌ መከላከያ ሠራዊት ለሀገሩ አንድነት እና ሉዓላዊነት ታላቅ ዋጋ እየከፈለ ሀገሩን የሚያጸና፣ መሥዋትነት በመክፈል በተግባር እያሳየ የሚገኝ የሕዝብ ልጅ ነው ብለዋል።

የወረዳው ዋና አሥተዳዳሪ የማነብርሃን ተስፋ የሰልፉ ዓላማ በኢትዮጵያ ሕልውና ላይ የተሰነዘረውን የተቀናጀ የክህደት ጥፋት በጋራ ክንድ ለመቀልበስ እንደኾነም ጠቁመዋል።

እየተካሄደ ያለውን የሕግ ማስከበር ዘመቻ እና የሕልውና ትግል ሕዝቡ በአግባቡ ተረድቶ የሀገር መከላከያ ሠራዊትን በመደገፍ ሀገራዊ ግዴታውን እንዲወጣም አሳስበዋል።

በሰልፉ ላይ የሀገር መከላከያ ሠራዊት እየፈጸመ ላለው የሕግ ማስከበር ዘመቻ እና የሀገርን ሉዓላዊነት የማስጠበቅ ተግባር የሚደግፉ መልዕክቶች ተንጸባርቀዋል።

#የመደመር_መንግሥት!#ትልቅ_ሀገር_ትልቅ_ሕዝብ_ታላቅ_ርዕይ!

#ደብረ_ብርሃን #ጥቅምት_12_2019_ዓ_ም

የአሚኮ ዲጂታል ሚዲያ ቤተሰብ ይሁኑ!