ማኅበራዊ ሚዲያን ከልክ በላይ ሲጠቀሙ ጤናዎት ላይ ምን እንደሚፈጠር ያውቃሉ?

ባሕር ዳር፡ መስከረም 19/2019 ዓ.ም (አሚኮ) ከእንቅልፋችን ስንነቃ ከምንፈልጋቸው የመጀመሪያ ነገሮች አንዱ የእጅ ስልካችን ከኾነ ሰነበተ፡፡ማኅበራዊ ሚዲያ ከዓለም ጋር የሚያገናኝ እና እውቀት የምንቀስምበት ድንቅ መሣሪያም ነው።

ነገር ግን አጠቃቀሙ ከወሰን ሲያልፍ በአዕምሮ፣ በሥነ-ልቦና እና በአካል ላይ የጤና አደጋ ያስከትላል።

ከልክ በላይ ማኅበራዊ ሚዲያ ላይ ማሳለፍ የሚያመጣቸው የጤና ችግሮች፦

#የአዕምሮ ጤና እና ሱስ፦ «ላይክ» እና ማሳወቂያዎች (Notifications) በአዕምሮ ውስጥ ዶፓሚን በመልቀቅ ከቁማር ጋር የሚመሳሰል ሱስ ያስከትላሉ፡፡

#የድብርት እና ጭንቀት መጨመር፦ በቀን ከሦስት ሰዓት በላይ ስልክ የሚጠቀሙ ታዳጊዎች ለድብርትና ጭንቀት የመጋለጥ ዕድላቸው በእጥፍ ይጨምራል፡፡

#የእንቅልፍ መዛባት፦ በምሽት ከስክሪን የሚወጣው ሰማያዊ ብርሃን (Blue Light) የእንቅልፍ ሆርሞን (Melatonin) ምርትን በመግታት ለተለያዩ በሽታዎች ያጋልጣል፡፡

#የራስን ዕሴት ማጣት፦ በጉርምስና ዕድሜ ላይ ያሉ ወጣቶች በማኅበራዊ ሚዲያ ንጽጽር ሳቢያ የብቸኝነት እና የበታችነት ስሜት ይፈታተናቸዋል።

መፍትሔዎቹ፦

#የጊዜ ገደብ ማበጀት፦ በቀን ከ30 እስከ 60 ደቂቃ ብቻ መጠቀም፤

#ስክሪን አልባ ቀጣናዎች፦ መኝታ ቤት እና የመመገቢያ ጠረጴዛ ላይ ስልክ አለመጠቀም (ከመተኛት 1-2 ሰዓት በፊት ስክሪን መተው)፤

#የዲጂታል እረፍት (Digital Detox)፦በሳምንት ወይም በወር የተወሰኑ ቀናትን ከማህበራዊ ሚዲያ ሙሉ በሙሉ መራቅ፤

#ማሳወቂያዎችን ማጥፋት እና ገጾችን ማጣራት፦ አላስፈላጊ ማሳወቂያዎችን (notfications) በመዝጋት አዕምሮን ከሚረብሹ ገጾች መራቅ፤

#አካላዊ እንቅስቃሴ እና ንባብ፦ ጊዜን በስፖርት፣ በመጻሕፍት ንባብ እና ከቤተሰብ ጋር ባለው የፊት ለፊት ግንኙነት መተካት ይገባል።

ምንጭ፦ በኲር

ሙሉን ዘገባውን ለማንበብ ከታች ያለውን ሊንክ ይከፈቱ!

የአሚኮ ዲጅታል ቤተሰብ ይኹኑ!

ለኅብረተሰብ ለውጥ እንተጋለን!