#ባሕር ዳር: ሰኔ 26/2018 ዓ.ም
በጠቅላይ ሚኒስትር ዐቢይ አሕመድ (ዶ.ር) ሀሳብ አመንጪነት በ‘ገበታ ለትውልድ’ መርሃ-ግብር የተገነባው የአርባ ምንጭ ኮንፈረንስ ሪዞርት ሰማይ ላይ አስደናቂ የድሮን ትርኢት ቀርቧል።
ይህ በምሽቱ ሰማይ ላይ በደመቁ ቀለማት የቀረበው የድሮን ትርኢት፣ የ‘ገበታ’ ውጥኖች የኢትዮጵያን የቱሪስት መዳረሻዎች በማልማት ረገድ እያደረጉት ያለውን ሀገር አቀፍ የለውጥ ጉዞና ስኬት ማሳያ መሆኑን የጠቅላይ ሚኒስትር ጽሕፈት ቤት ያወጣው መረጃ አመላክቷል።
🌿 የ‘ገበታ ለትውልድ’ ስኬት በአርባ ምንጭ
ኢትዮጵያ ያላትን ተፈጥሯዊ፣ ታሪካዊና ባህላዊ ጸጋዎች ወደ ላቀ የኢኮኖሚ አቅም ለመቀየር የተጀመረው የቱሪስት መዳረሻዎችን የማልማት ስራ በአርባ ምንጭ በተገነባው ዘመናዊ የኮንፈረንስ ሪዞርት ደምቆ ታይቷል።
ፕሮጀክቱ፡ የቱሪስት መዳረሻዎችን በማዘመን፡ ለሀገር ውስጥና ለውጭ ሀገር ጎብኚዎች ምቹና ዓለም አቀፍ ደረጃውን የጠበቀ መስተንግዶ ለመስጠት ዝግጁ ሆኗል።
• የኮንፈረንስ ቱሪዝምን በማሳደግ፡ አርባ ምንጭን የትልቅ ስብሰባዎችና ሁነቶች ማዕከል በማድረግ የክልሉንና የሀገሪቱን የቱሪስት ፍሰት ያሳድጋል።
• አዲሱ የኢኮኖሚ ሞተር፡ ዘርፉ የሥራ ዕድል በመፍጠር፣ የውጭ ምንዛሬን በማስገኘትና የአካባቢውን ማኅበረሰብ ተጠቃሚ በማድረግ ረገድ የላቀ ሚና ይጫወታል።
የአርባ ምንጭ ኮንፈረንስ ሪዞርት ኢትዮጵያ የጀመረችው የቱሪዝም ልማት ጉዞ በተግባር ፍሬ እያፈራ መሆኑንና “ቱሪዝም” የሀገሪቱ አዲስ የኢኮኖሚ ሞተር እየሆነ መምጣቱን በግልጽ ያሳየ ሌላው ትልቅ ስኬት ነው።
የተፈጥሮ ውበት ከዘመናዊነት ጋር የተዋሃደባት አርባ ምንጭ፣ አሁን በአዲሱ የኮንፈረንስ ሪዞርቷ እንግዶቿን ለመቀበል ሙሉ በሙሉ ዝግጁ ሆናለች።
#ኢትዮጵያ #ገበታለትውልድ #አርባምንጭ #አዲሱየኢኮኖሚሞተር #የቱሪስትመዳረሻዎች #development #tourismindustry
በመላኩ ሙሉጌታ
የአሚኮ ዲጂታል ሚዲያ ቤተሰብ ይሁኑ!
