በጉጉት የሚጠበቀው የባየርን ሙኒክ እና የፒ ኤስ ጂ ፍልሚያ !

በአውሮፓ ሻምፒዮንስ ሊግ የግማሽ ፍጻሜ የመልስ ጨዋታ ባየርን ሙኒክ በሜዳው አልያንዝ አሬና ፓሪሰን ዠርሜን ምሽት ያስተናግዳል፡፡

በፓሪስ ፓርክ ደ ፕራንስ የተከናወነው የመጀመሪያ ዙር ጨዋታ ለዕይታ ማራኪ ኾኖ ዘጠኝ ግቦች ተቆጥረውበት ፒ ኤስ ጂ 5ለ4 ማሸነፉ ይታወሳል።

ባየርን ሙኒክ እና ፒ ኤስ ጂ በቻምፒዮንስ ሊጉ 16 ጊዜ ተገናኝተው ሙኒክ ዘጠኙን በማሸነፍ የበላይነቱን ይወስዳል፡፡ ፒ ኤስ ጂ ሰባት ድሎችን አስመዝግቧል፡፡

ባየርን ሙኒክ ውጤቱን ገልብጦ ወደ ፍጻሜው ያመራል ወይስ ፒ ኤስ ጂ ውጤቱን አስጠብቆ ይወጣል የሚለው ጉዳይ የዛሬውን ጨዋታ በርካቶች በጉጉት እንዲጠብቁት አድርጓል።

ሃሪኬን፣ ሊውስ ዲያዝ እና ማይክል ኦሊሴ የባየር ሙኒክን የፊት መሥመር በአስደናቂ ብቃት ይመሩታል።

በፒ ኤስ ጂ በኩል ደግሞ ኡስማን ዴምቤሌ፣ ክቪቻህ ክቫራስኬሊያ እና ዴዝሪ ዱዌ የሙኒክን ተከላካዮች የሚፈትኑ ይኾናል።

በያየህ ፈንቴ

የአሚኮ ዲጅታል ቤተሰብ ይሁኑ

ለኅብረተሰብ ለውጥ እንተጋለን !