የዓለማችን ምርጥ የግራ መስመር ተከላካዮች ተርታ እየተቀላቀለ የሚገኘው ጣሊያናዊው ኮከብ ሪካርዶ ካላፊዮሪ።

ጣሊያን በአውሮፓ ኔሽንስ ሊግ ቱርክን 3 ለ 1 በረታችበት ጨዋታ ላይ ግብ ማስቆጠር የቻለው ካላፊዮሪ ለሀገሩ ባደረጋቸው ያለፉት 9 ጨዋታዎች 4 የግብ እና 4ግብ የሚኾኑ ኳሶችን አመቻችቶ በማቀበል ማስመዝገብ ችሏል።

ይህ ለግራ መስመር ተከላካይ እጅግ አስደናቂ የማጥቃት ብቃት ነው። በአሁኑ ሰዓት በዓለም አቀፍ ደረጃ ካሉ ምርጥ የግራ መስመር ተከላካዮች አንፃር ሲመዘን ካላፊዮሪ በመሪዎቹ ተርታ ይገኛል፡

ካላፊዮሪ በአርሰናል እና በጣሊያን ብሔራዊ ቡድን የሚያሳየው ወጥ የኾነ ማጥቃት እና ታክቲካዊ ተለዋዋጭነት በአሁኑ ወቅት ከዓለማችን ከአምስቱ ምርጥ የግራ መስመር ተከላካዮች ተርታ እንዲመደብ አስችሎታል።

#አሚኮ #ስፖርት

#ባሕር_ዳር #መስከረም_28_2019_ዓ_ም

የአሚኮ ዲጂታል ሚዲያ ቤተሰብ ይሁኑ!