ወልዋሎ ዓዲግራት ወደ ሁለተኛው ዙር ለማለፍ ዛሬ በድሬዳዋ ከሂላል አል ሳሕል ጋር ይጫወታል።

0
131

 

በካፍ ኮንፌዴሬሽን ዋንጫ ቅድመ ማጣሪያ የመልስ ጨዋታ የኢትዮጵያ ተወካዩ ወልዋሎ ዓዲግራት ዩኒቨርሲቲ ዛሬ ከቀኑ 10፡00 ጀምሮ በድሬዳዋ ስታዲየም የሱዳኑን ሂላል አል ሳሕል ያስተናግዳል።

በታሪኩ ለመጀመሪያ ጊዜ በአህጉራዊ መድረክ እየተሳተፈ የሚገኘው ወልዋሎ ዓዲግራት ከሳምንት በፊት በሩዋንዳ ኪጋሊ ፔሌ ስታዲየም በተካሄደው የመጀመሪያ ዙር ጨዋታ 2 ለ 1 በኾነ ውጤት መረታቱ ይታወሳል። ኾኖም ቢጫ ለባሾቹ በአማካዩ ካርሎስ ዳምጠው አማካኝነት ያገኟት ከሜዳ ውጭ ውድ ግብ ለዛሬው የመልስ ፍልሚያ ጥሩ የሥነ-ልቦና የበላይነት ሰጥታቸዋለች።

ወልዋሎ ዓዲግራት ወደ ሁለተኛው ዙር ማለፉን ለማረጋገጥ በዛሬው ጨዋታ 1 ለ 0 በማሸነፍ በከሜዳ ውጭ ግብ ሕግ አልያም በሁለት ግብ ልዩነት የበላይነትን መውሰድ ይጠበቅበታል።

ይህ ተጠባቂ አህጉራዊ ጨዋታ ዛሬ ከቀኑ 10፡00 ጀምሮ በድሬዳዋ ስታዲየም የሚከናወን ይኾናል።

#አሚኮ #ስፖርት🇪🇹

ባሕር ዳር #መስከረም_02/2019_ዓ_ም

የአሚኮ ዲጂታል ሚዲያ ቤተሰብ ይሁኑ!

LEAVE A REPLY

Please enter your comment!
Please enter your name here