በሱዳን ዘላቂ ሰላም ለማምጣት ሁሉንም ሱዳናውያን አካታች የኾነ የመፍትሔ ጥረት ማድረግ እንደሚገባቸው ጌዲዎን ጢሞቲዎስ (ዶ.ር) ገለጹ።

የምክር ቤቱ የአባል ሀገራት በዋናነት በወቅታዊ የአህጉሪቱ ሰላም እና ጸጥታ ሁኔታ በተለይም ሶማሊያ እና ሱዳን ዙሪያ መክረዋል።

የውጭ ጉዳይ ሚኒስትር ጌዲዎን ጢሞቲዎስ (ዶ.ር) በስብሰባው ላይ ባደረጉት ንግግር በሶማሊያ አሸባሪው አል ሻባብ ሰላም እና ጸጥታ ማወኩን አሁንም እንደቀጠለ መኾኑን ገልጸዋል። በቀጣናው ሰላም እና ጸጥታ ለማስፈን ኢትዮጵያ እና ሌሎች ሀገራት ከፍተኛ መስዋዕትነት መክፈላቸውን አስታውሰዋል።

በዚህ ጥረት የተገኙ ሰላም እና መረጋጋት እንዳይቀለበስ በሽብር ቡድኑ ላይ የሚካሄደውን ዘመቻ አጠናክሮ መቀጠል እንደሚገባ አስገንዝበዋል።

ከውጭ ጉዳይ ሚኒስቴር የተገኘው መረጃ እንደሚያመላክተው በሱዳን ዘላቂ ሰላም ለማምጣት ሁሉንም ሱዳናውያን አካታች የኾነ የመፍትሔ ጥረት ማድረግ እንደሚገባቸው ተናግረዋል።

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!