በባሕር ዳር ከተማ የሚንቀሳቀሱ የፖለቲካ ፓርቲዎች በመጪው ምርጫ ዙሪያ እየመከሩ ነው።

የባሕር ዳር ከተማ አሥተዳደር ብልጽግና ፓርቲ ቅርንጫፍ ጽሕፈት ቤት የፖለቲካና አቅም ግንባታ ዘርፍ ኀላፊ ጊዜው ታከለ በባሕር ዳር ከተማ የሚንቀሳቀሱ የተፎካካሪ ፓርቲዎች የጋራ ምክር ቤት ላይ የተመዘገቡ የተለያዩ ተፎካካሪ ፓርቲዎች መኖራቸውን ተናግረዋል።

በመጭው ግንቦት 24/2018 ዓ.ም በሚካሄደው አጠቃላይ ምርጫ ከሚወዳደሩ ተፎካካሪ የፖለቲካ ፓርቲዎች መካከል ብልጽግና፣ ኢዜማ፣ መኢአድ፣ አብን፣ አዴሃን፣ እናት፣ ኢሃፖ፣ ነጻነት እና እኩልነት (ነእፓ)፣ ግዮናዊ፣ አንዲት ኢትዮጵያ ባሕር ዳር ከተማ ላይ ይወዳደራሉ ተብሎ እንደሚጠበቅ አንስተዋል። በዛሬው ምክክር ከእያንዳንዱ ተፎካካሪ ፓርቲ አምስት፣ አምስት ተወካዮች እየተሳተፋ እንደሚገኙም አንስተዋል።

ምርጫው ሰላማዊ እና ዴሞክራሲያዊ ኾኖ እንዲከናወን ደግሞ በከተማዋ እንዴት እንሥራ በሚል ውይይት ማድረግ አስፈላጊ መኾኑን ገልጸዋል።

ዘጋቢ፦ ሮዛ የሻነህ

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን