በገዳሪፍ ክፍለ ግዛት ዋና አስተዳዳሪ ሜጀር ጀኔራል ነስረዲን አብዲ የተመራ ልዑክ ጎንደር ገባ።

በመርሀ ግብሩ የአማራ ክልል ርዕሰ መሥተዳድር ተመሥገን ጥሩነህ፣ የክልሉና የፌዴራል የሥራ ኃላፊዎች እንደሚገኙ ነው የሚጠበቀው።

ነገ ከሰዓት እና እሁድ ደግሞ የአማራ ክልል የሥራ ኃላፊዎች እና የገዳሪፍ ክፍለ ግዛት ልዑክ የጋራ ጉዳዮቻቸው ላይ በባሕር ዳር ይመክራሉ፤ መሠረተ ልማቶችንም ይጎበኛሉ።

ኢትዮጵያ በአማራ ክልል በኩል፣ ሱዳን ደግሞ በገዳሪፍ ክፍለ ግዛት ሰፊ ወሰን ይጋራሉ። የአማራ ክልል እና የገዳሪፍ መሪዎችም በድንበር አካባቢ ፀጥታን ለማስከበር፣ የኮንትሮባንድ ንግድን ለመቆጣጠር እንዲሁም በሌሎች ዘርፎች በጋራ ለመሥራት በየጊዜው እየተገናኙ እንደሚመክሩ ይታወቃል።

ዘጋቢ፦ ፍጹምያለምብርሃን ገብሩ