የሀገራቱ አቋምም ሆነ የሌሎች ተጽእኖ ብሔራዊ ጥቅምን አሳልፎ የሚሰጥ ድርድር ውስጥ እንደማያስገባ ሚኒስቴሩ አስታወቀ፡፡

ኢትዮጵያ፣ ሱዳን እና ግብጽ በሕዳሴው ግድብ ዙሪያ በአሜሪካ ዋሽንግተን ዲ.ሲ ሲያደርጉት የነበረውን ድርድርና የረቂቅ የስምምነት ሰነድ ዝግጅት ሳይቋጭ መጠናቀቁ ይታወቃል።

ቃል አቀባዩ አቶ ነቢያት በሰጡት ማብራሪያ በግድቡ ዙሪያ ከየትኛውም አካል ተጽዕኖ ቢኖር ኢትዮጵያ ብሄራዊ ጥቅሟን አሳልፋ እንደማትሰጥና መርህ ላይ የተመሠረተ ጥቅሟን ያስጠበቀ ድርድር እንደምታራምድ አረጋግጠዋል ሲል ኢ.ፕ.ድ ዘግቧል።

በዋሽንግተን ዲ.ሲ በኢትዮጵያ፣ በሱዳንና በግብጽ መካከል የታላቁ የኢትዮጵያ ሕዳሴ ግድብ የውሃ አሞላልና አለቃቀቅን በተመለከተ ረቂቅ የስምምነት ሰነድ ለማዘጋጀት ሲካሄድ የነበረው ውይይት በዚህኛውም ዙር ሳይቋጭ ትናንት ማማምሻውን መጠናቀቁ ይታወሳል።