“ለማንቸስተር ዩናይትድ ያለኝን ፍቅር ለመግለጽ ከዚህ ውጭ መንገድ አላገኘሁም”

የማንቸስተር ዩናይትዱ የፊት መስመር ተጫዋች ማርከስ ራሽፎርድ ለክለቡ ያለውን ጥልቅ ፍቅር እና ቁርጠኝነት በሚገልጽ መልኩ እስካሁን ለቀይ ዲያብሎሶቹ የለበሳቸውን የጀርሲ ቁጥሮች በሰውነቱ ላይ ተነቅሷል።

ተጫዋቹ ቀደም ሲል ሲጠቀምባቸው የነበሩትን ቁጥር 39፣ 19 እና 10 በንቅሳት መልክ ያስቀረ ሲኾን በቀጣይም አዲሱን የጀርሲ ቁጥር 14 እንደሚረከብ ተገልጿል።

ማንቸስተር ዩናይትድ በተጫዋቹ ላይ ሙሉ ዕምነት የጣለ ሲኾን ራሽፎርድ በኦልድትራፎርድ የመቆየት ዕድሉ ከፍተኛ መኾኑ ተመላክቷል።

ይህ እርምጃም ራሽፎርድ ለክለቡ ያለውን ልዩ ቁርጠኝነት እና ማንቸስተር ዩናይትድ ለእሱ ምን ያህል ትልቅ ትርጉም እንዳለው ማሳያ ተደርጎ ተወስዷል።

ማርክስ ራሽፎርድ ለስካይ ስፖርት እንዳለው ለማንቸስተር ዩናይትድ ያለኝን ፍቅር ለመግለጽ ከዚህ ውጭ መንገድ አላገኘሁም ብሏል።

#ባሕር_ዳር #ነሐሴ_05_2018_ዓ_ም

በምሥጋናው ብርሃኔ

የአሚኮ ዲጂታል ሚዲያ ቤተሰብ ይሁኑ!