ኒዉካስትል ዩናይትድ ከኮቬንትሪ ሲቲ የሚያደርጉት ጨዋታ ይጠበቃል

ደብረ ብርሃን፡ ጥቅምት 2/2019 ዓ.ም (አሚኮ)​በእንግሊዝ ፕሪሚየር ሊግ ስድስተኛ ሳምንት መርሃ ግብር ዛሬ ምሽት አንድ ቀሪ ጨዋታ ይደረጋል።

በዚህም ኮቨንትሪ ሲቲ ከኒውካስል ዩናይትድ ምሽት 4:00 ሰዓት ላይ በኮቨንትሪ ቢልዲንግ ሶሳይቲ አሬና ይገናኛሉ።

​በፍራንክ ላምፓርድ የሚመራውና በሊጉ 18ኛ ደረጃ ላይ የሚገኘው ኮቨንትሪ ሲቲ፣ ታይዎ አዎኒዪን በቅጣት እንዲሁም ሃጂ ራይትን በጉዳት ምክንያት አያሰልፍም።

​በአንጻሩ በማትያስ ጃይስሌ የሚመራው እና ዛሬ ካሸነፈ ወደ አራተኛ ደረጃ ከፍ የማለት ዕድል ያለው ኒውካስል ዩናይትድ ኒኮ ጎንዛሌዝን ከጉዳት መልስ የሚያገኝ ይሆናል።

በሌላ በኩል እንደ ዳን በርን እና አንቶኒ ኢላንጋ ያሉ ቁልፍ ተጫዋቾቹን በጉዳት አያገኝም።

​ኮቨንትሪ በዚህ የውድድር ዘመን ባደረጋቸው አምስት ጨዋታዎች ማስቆጠር የቻለው የገባው አንድ ጎል ብቻ ነው።

ቡድኑ ከኒውካስል ጋር ባደረጋቸው ያለፉት ዘጠኝ ጨዋታዎች ማሸነፍ የቻለው በአንድ ጨዋታ ላይ ብቻ መሆኑ የዛሬውን የምሽቱን ጨዋታ እጅግ ከባድ ፈተና እንደሚያደርገው ይጠበቃል።