ሉዊስ ኤንሪኬ ፒኤስጂን ለተከታታይ ሦስት ዓመታት የፈረንሳይ ሊግ ሻምፒዮን አደረጉ።

ኤንሪኬ በሊግ ውድድር ብቻ ሳይኾን፣ የክለቡን የዘመናት የአውሮፓ ሻምፒየንስ ሊግ ሕልምም እውን ያደረጉ አሠልጣኝ ናቸው። ክለቡ በታሪኩ ለመጀመሪያ ጊዜ የ2024/25 የሻምፒየንስ ሊግ ዋንጫን ያሳካው በእሳቸው መሪነት ሲኾን፤ ዘንድሮም ለአንድ ተጫዋች ያልተገዛ ጠንካራ ሥብሥብ በመገንባት ቡድኑን ለተከታታይ ሁለተኛ ዓመት ለሻምፒየንስ ሊግ ፍጻሜ አድርሰዋል።

በዘንድሮው የአውሮፓ መድረክ 44 ግቦችን በማስቆጠር ቀዳሚ የኾነው የኤንሪኬ ቡድን፣ በፍጻሜው ከአርሰናል ጋር ይጋጠማል።

ጨዋታው ግንቦት 22/2018 ዓ.ም በሀንጋሪ ቡዳፔስት ፑሽካሽ አሬና ስታዲየም የሚካሄድ ይኾናል። ኤንሪኬ ከዚህ ቀደም ከባርሴሎና ጋር በርካታ ስኬቶችን ማስመዝገባቸው እና የስፔን ብሔራዊ ቡድንም መምራታቸው ይታወሳል።

የአሚኮ ዲጅታል ቤተሰብ ይሁኑ

ለኅብረተሰብ ለውጥ እንተጋለን !