አሜሪካ ለማሊ የሽግግር መንግሥት ድጋፍ ሰጠች፡፡

ባሕር ዳር፡ መስከረም 24/2013ዓ.ም (አብመድ) አሜሪካ ማሊ የሽግግር መንግሥት መመሥረቷን ተከትሎ “ወደ ሕገ-መንግሥታዊ ሥርዓት ለመመለስ የመጀመሪያ እርምጃ” ስትል ገልፃለች ፡፡

በያዝነው የመስከረም የሽግግር ፕሬዝዳንት ሆነው ተሹመው ጡረታ የወጡት ኮሎኔል ፕሬዝዳንት ባህ ንዳው አንጋፋውን ዲፕሎማት ሙክታር ኦዋን ጊዜያዊ ጠቅላይ ሚኒስትር አድርገው ሹመዋል፡፡

ጊዚያዊው የሽግግር መንግሥቱ ለ18 ወራት እንደሚቆይ ታውቋል፡፡ የሀገሪቱ የውጭ ጉዳይ መሥሪያ ቤት ቃል አቀባይ ሞርጋን ኦርታጉስ “የሽግግር መንግሥቱ በምዕራብ አፍሪካ ግዛቶች የኢኮኖሚ ማኅበረሰብ (ኢኮዋስ) ውስጥ በ18 ወራት ዴሞክራሲያዊ ምርጫ ማካሄድን ጨምሮ የገባው ቃልኪዳን እንዲያከብር እንጠይቃለን” ብለዋል ፡፡

የሽግግር መንግሥቱ ሙስናን በመዋጋት የምርጫ ሂደቶችን እንዲያስተካክልም በመግለጫው አሳስቧል ፡፡

ቃል አቀባዩ “መንግሥት የሰብዓዊ መብቶችን እንዲያከብር እና እነዚህን የመብት ጥሰቶች በክልል የፀጥታ ኃይሎች ለማስቀረት እንዲሁም ጥሰቶች በሚከሰቱበት ጊዜ ተጠያቂዎችን እንዲመረምር እና ተጠያቂ እንዲያደርግ ጥሪ እናቀርባለን” ብለዋል፡፡

በግርማ ተጫነ