“ጥያቄያችን ለእውነትና ለፍትሕ ነው” የወልቃይት ጠገዴ እና ሰቲት ሁመራ ዞን ነዋሪዎች

የከተማው ነዋሪዎች በነቂስ በመውጣት ለመንግሥት የሰላም ጥሪ ያላቸውን ጠንካራ ድጋፍ አሳይተዋል። የህወሃትን የዳግም የጦርነት ትንኮሳም አውግዘዋል። አካባቢያቸው የሰላም እና የልማት ማዕከል እንዲሆን ጠንክረው እንደሚሠሩ እና ለሀገር መከላከያ ሠራዊት ያላቸውን ደጀንነት አጠናክረው እንደሚቀጥሉም ገልጸዋል።

በሰልፉ ላይ ተገኝተው መልእክት ያስተላለፉት የከተማው ከንቲባ አለበል አንጋው እንደገለጹት ህወሃት የፕሪቶሪያውን የሰላም ስምምነት በመጣስ በተለያዩ የአማራ አካባቢዎችን ዳግም ለመውረር እንቅስቃሴ እያደረገ ነው። የሕዝቡን የመምረጥና የመመረጥ መብት ለማደናቀፍ እየሞከሩ ስለመኾኑም ገልጸዋል።

“ጥያቄያችን የእውነትና የፍትሕ ነው፤ ራስን የመሆንም ነው” ብለዋል።ሌሎችም የከተማ አሥተዳደሩ አመራሮች፣ የሃይማኖት አባቶች እና የሀገር ሽማግሌዎች በሕዝባዊ ሰልፉ ላይ ተገኝተው የአንድነት፣ የሰላም እና የልማት መልእክታቸውን አስተላልፈዋል።

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!