የሲቪል ሰርቪስ ሪፎርሙ የተቋማትን አሠራር እያዘመነ ነው።

የቢሮው ኀላፊ ባንቻምላክ ገብረማርያም እንዳሉት በ2018 ዓ.ም ስድስት ወራት የመንግሥት አገልግሎት እና አሥተዳደር ሪፎርምን ለመተግበር ሕግ ከማውጣት ጀምሮ አሠራሮችን እና ስትራቴጅዎችን የማዘጋጀት ሥራ ተሠርቶ በተመረጡ ተቋማት ተግባራዊ ተደርጓል። ሪፎርሙ በተተገበረባቸው ተቋማትም የአገልግሎት አሠጣጡን ያዘመነ መኾኑን አንስተዋል።

የክልሉን ሕዝብ መልካም አሥተዳደር ችግሮች ለመፍታት ተቋማት ዲጅታላይዝ እንዲኾኑ ትኩረት ተሰጥቶ እየተሠራ መኾኑንም ገልጸዋል።

የመንግሥት አገልግሎት እና አሥተዳደር ሪፎርም አካል የኾነው ሞሶብ የአንድ ማዕከል አገልግሎት በደሴ እና ባሕር ዳር ከተሞች አገልግሎት እንዲጀምር ተደርጓል። በጎንደር ከተማም በግንባታ ሂደት ላይ ይገኛል ተብሏል።

ከዚህም ባለፈ በክልሉ በሚገኙ አምስት ሪጅኦፖሊታን ከተሞች እና በሌሎች 25 አነስተኛ ከተሞች በቅድመ ዝግጅት ላይ መኾናቸውንም ገልጸዋል።

ሪፎርሙ በተሟላ መንገድ እንዲተገበር የሚመለከታቸው አካላት ድጋፍ እንዲያደርጉም ቢሮ ኀላፊዋ ጠይቀዋል።

ዘጋቢ፦ ዳግማዊ ተሠራ

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!