ስድስት ዩኒቨርስቲዎች የጉና ተራራ አከባቢን ለማልማት ስምምነት ተፈራረሙ፡፡

ይህን ተከትሎም ደብረታቦር፣ ጎንደር፣ ባሕር ዳር፣ ደብረ ማርቆስ፣ እንጂባራ እና ደባርቅ ዩኒቨርሲቲዎች የጉና ተራራ አከባቢን ለማልማት፣ በአካባቢ እንክብካቤና ሌሎች ሁለንተናዊ ጉዳዮች ላይ አብሮ ለመሥራት ዛሬ ስምምነት ተፈራርመዋል፡፡

“ጣናን ለመታደግ የጋራ፣ የትብብርና የፍቅር አረንጓዴ አሻራ ዘመቻ ወደ ጉና” በሚል መሪ መልዕክትም የጉና-ጣና ተፋሰስ ቦታዎች ላይ ችግኝ ተክለዋል፡፡

የጉና ተራራ የ41 ወንዞችና የ77 ምንጮች መገኛ እንደሆነ ይታወቃል፡፡ የጣናና የዓባይ ገባሮች በሙሉ የሚነሱበት እና የምስራቅ አፍሪካ የውሃ ማማ ተብሎ የሚጠቀስ ስፍራም ነው።

የጉና ተራራን ማልማት ጣና ሃይቅን ከእንቦጭ ለመጠበቅ እና ከደለል ለመከላከል እንደሚያስችል ምክረ ሀሳቦች በተደጋጋሚ እየቀረቡ ነው፡፡ ተራራውን ማልማት ለታላቁ የኢትዮጵያ ሕዳሴ ግድብ አስተማማኝ የውሃ አቅርቦት ለማግኘት እንደሚረዳም ይታመናል፡፡

ተጨማሪ መረጃዎችን
በቴሌግራም https://bit.ly/2wdQpiZ
ትዊተር https://bit.ly/37m6a4m
ዩቱዩብ https://bit.ly/38mpvDC ያገኛሉ፡፡