በባሕር ዳር ከተማ አሥተዳደር ዘንዘልማ ቀበሌ የተፈጥሮ ሀብት ጥበቃ ሥራ በይፋ ተጀምሯል።

የአማራ ክልል ግብርና ቢሮ ምክትል ኀላፊ መሰሉ ብርሃኑ በክልሉ በተለያዩ አካባቢዎች የተፋሰስ ሥራ እየተሠራ መሆኑን ተናግረዋል። እስከአሁንም ከ1 ሺህ 600 በላይ በሆኑ ተፋሰሶች ከ3 ሺህ ሄክታር በላይ መሬት የተፋሠስ ሥራ ተሠርቷል ብለዋል። በዚህ ዓመትም ልማትን ሊያረጋግጥ በሚችል አግባብ ቀድመው የተሠሩትን ማጠናከር፤ በአዲስ የሚሠሩትን በጥራት መሥራት ትኩረት ይደረግበታል ብለዋል።

የዘንዘልማ ቀበሌ ነዋሪ አርሶ አደሮች ባለፋት ዓመታት በተሠራው ሥራ መሬታቸው ለምነቱ ተመልሶ ምርታማነታቸው እንዲጨምር እንደረዳቸው አሥረድተዋል። የዚህን ዓመት የተፈጥሮ ሀብት ጥበቃ ሥራም ዘላቂ ልማትን ሊያረጋግጥ በሚችል መንገድ እንደሚሠሩ ተናግረዋል።

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!