የአማራ ክልል ምክር ቤት የ6ኛው ዙር፣ 5ኛ ዓመት የሥራ ዘመን፣ 11ኛ መደበኛ ጉባኤውን ከታኅሣሥ 16-17/2018 ዓ .ም ይካሄዳል።

በእነዚህ ቀናቶች የትምህርት አጀማመር እና እስካሁን የተከናወኑ ተግባራት፣ ያጋጠሙ ችግሮች፣ የኦዲት ግኝቶች እና ሌሎች ልዩ ልዩ አጀንዳዎች በእለቱ እንደሚቀርቡ እና ውይይት እንደሚደረግባቸው ገልጸዋል።የምክር ቤት አባላት ወደ ምክር ቤት የሚመጡበት አንዱ እና ዋነኛው አላማ በየአካባቢያቸው የተሠሩ መልካም ሥራዎች ምንድን ናቸው የሚለውን እና መፍትሄ የሚፈልጉትን ደግሞ ለሚመለከተው አካል ለማቅረብ ነው ብለዋል።

በዘንድሮው በጀት ዓመት እቅድን መሰረት ያደረገ በጀት ፀድቋል ነው ያሉት።አባላቱ እቅዱን መሰረት በማድረግ እንደየ አካባቢያቸው አፈፃፀሙ ምን ይመስላል የሚለውን ከየምርጫ ክልላቸው ሀሳብ ይዘው የሚመጡበት ነውም ብለዋል።

ክልሉ ያለበትን ነባራዊ ሁኔታ የሚያውቁበት ጉባኤም ነው ያሉት።ጉባኤው ለቀጣይ ሥራም ስንቅ የሚኾኑ መረጃዎች የሚሰጡበት እንደኾነም ዋና አፈ ጉባኤዋ ተናግረዋል።

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!