የኢትዮጵያ ፌዴራሊስት ኃይሎች ጥምረት ህወሐትን ከጥምረቱ አባልነት መሰረዙን አስታወቀ።

ጥምረቱ የኮሮና ቫይረስ ስርጭትን አስመልክቶ ምርጫ እንደማይኖር ወይም ደግሞ የምርጫው መካሄድ ተገቢ እንዳልሆና መክሯል፡፡

በሀገሪቱ ላይ ሰላምና ጸጥታ ሊሰፍን በሚችልባቸው ሀሳቦችም ላይ ውይይት ማድረጉም ተገልጿል፡፡

የኢትዮጵያ ፌዴራሊስት ኃይሎች ጥምረት ሊቀመንበር አቶ ደረጀ በቀለ እንደተናገሩት ህወሐት ከአንድም ሁለት ጊዜ በተጠራው ስብሰባ ላይም አልተገኘም፡፡

አዲስ አበባ ላይ የሚካሄዱ ስብሰባዎችን ህወሐት ለሀገር መግባባት በማይጠቅምና አፍራሽ በሆነ አካሄድ ህገ ወጥ ናቸው የሚል ግፊት ሲያደርግባቸው እንደነበርም ሊቀመንበሩ ተናግረዋል፡፡

ኢብኮ እንደዘገበው በተቃራኒው ደግሞ ስብሰባዎቹ በመቀለ ከተማ ይደረጉ የሚል ግፊት ሲደረግብን ነበር ብለዋል አቶ ደረጀ፡፡