ሀገር በቀል የግጭት መፍቻ ሥርዓቶች ማኅበራዊ ቀውሶችን ለመፍታት ሚናቸው ከፍተኛ ነው።

የሰሜን ጎንደር ዞን ባሕል፣ ቱሪዝም እና ስፖርት መምሪያ ኀላፊ አስራት ክብረት “ሀገር በቀል የግጭት መፍቻ ሥርዓቶች ሀገራዊ ዕሴቶችን ለማስቀጠል እና ማኅበራዊ ቀውሶችን ለመፍታት ጠቀሜታቸው የጎላ ነው” ብለዋል።

የሀገር ሽማግሌዎችን መማክርት ጉባዔ በመመሥረት ወጥ የኾነ የአደረጃጀት መዋቅር ማሻሻል መቻሉንም ገልጸዋል።

የደባርቅ ዩኒቨርስቲ ማኅበረሰብ ዓቀፍ አገልግሎቶች ዳይሬክተር ጌታቸው ውለታው ሀገር በቀል የግጭት መፍቻ የሽምግልና ሥርዓቶች ያላቸውን ማኅበረሰባዊ ተቀባይነት በመገንዘብ ለማጠናከር እየተሠራ ነው ብለዋል።

በሥልጠና፣ በኢኮኖሚ እና በሌሎች ጉዳዮች ተቀራርቦ በመሥራት ትርጉም ያለው ለውጥ ለማስመዝገብ መታቀዱንም አብራርተዋል።

የሥልጠናው ተሳታፊዎች በበኩላቸው በግጭት አፈታት ዙሪያ ሥልጠና መሰጠቱ ግንዛቤን ለማሳደግ እና የላቀ ተገባር ለማከናወን አቅም ይፈጥራል ብለዋል።

በቀጣይም ተመሳሳይ የግንዛቤ ማስጨበጫ ሥልጠናዎች ተጠናክረው እንዲቀጥሉ ጠይቀዋል።

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!