ከ27 ሚሊየን ብር በላይ የሚገመቱ የኮንትሮባንድ ዕቃዎች መያዙን ሚኒስቴሩ ገለጸ፡፡

በሁሉም የጉምሩክ መቆጣጠሪያ ጣቢያዎች በተደረገው ቁጥጥርና ፍተሻ ደግሞ የተለያዩ ዕቃዎች ላይ ሀሰተኛ ሰነድ በማቅረብና የተለያዩ ስልቶችን በመጠቀም የንግድ ማጭበርበር እንቅስቃሴዎችን የሚያደርጉ ህገ ወጦችን መቆጣጠር መቻሉን ነው ሚኒስቴሩ ያስታወቀው፡፡ በዚህም መንግሥት ሊያጣ የነበረው ከ9 ሚሊየን ብር በላይ ቀረጥና ታክስ እንዲከፈል መደረጉን ገልጧል፡፡

በቁጥጥር ስር ከዋሉ የኮንትሮባንድ ዕቃዎች መካከል የጉምሩክ ስነ-ስርዓት ሳይፈጸም ወደ ሀገር የገቡ ተሽከርካሪዎች፣ ኤሌክትሮኒክስ፣ አልባሳት፣ የምግብ ዘይት እንዲሁም አደንዛዥ ዕፅና ሺሻ እንደሚገኙበት ታውቋል፡፡