የመከላከያ ሠራዊት ግንባታ ስትራቴጂ ሰነድ ኢትዮጵያ ዓለምአቀፍ ተቀባይነቷ እንዲጨምር በሚያስችል መልኩ መዘጋጀቱን ዶክተር ዐብይ አህመድ አስታወቁ።

የካቲት 2012 ዓ.ም ላይ የታተመው ረቂቅ የስትራቴጂክ ሰነዱ በሂደት እየዳበረ ሁሉም ዜጋ በቀላሉ እንዲረዳው፣ እንዲያውቀውና በጊዜ ሂደት ከወቅቱ ጋር እየተናበበ እንዲሻሻል ተደርጎ የሚቀረጽ መሆኑን የተናገሩት ዶክተር ዐብይ በአዲስ መልክ ለማዘጋጀት ያስፈለገው ሠራዊቱን ለማዘመን በማለም እንደሆነ አስገንዝበዋል።

የሠራዊት ግንባታ ስትራቴጂው የአገሪቱን ሉዓላዊነት ባስከበረ መልኩ ሕዝቦቿ የሚተማመኑበት፣ ዳር ድንበሯን የሚያስከብርና ዓለምአቀፍ ተቀባይነቷ እንዲጨምር በሚያስችል መልኩ መዘጋጀቱንም አስረድተዋል።

የመከላከያ ሠራዊቱ ለፓርቲ፣ ለብሔርና ለቡድን የወገነ ሳይሆን አገራዊ ሉዓላዊነትን መሠረት አድርጎ በሕገ መንግሥቱ የሚመራ ሆኖ አገራዊ ቀጣይነትን ማረጋገጥ እንዳለበትም ጠቅላይ ሚኒስትሩ አስገንዝበዋል።

ኢዜአ እንደዘገበው ውይይቱ በቀጣይም በተዋረድ እንደሚካሄድ ታውቋል።