አውሮፓ 400 ሚሊዮን ብልቃጥ የኮሮናቫይረስ ክትባት ለማግኘት ከአምራች ኩባንያ ጋር ውል ተፈራርሟል፡፡

ይህ ዘገባ እስከተጠናቀረበት ጊዜ ድረስ ክትባቱ ክሊኒካዊ ሙከራ (የሕክምና ሙከራ) ላይ ነው፡፡ በዚህ ክረምት ሙከራው እንደሚጠናቀቅም ይጠበቃል፡፡ የሙከራ ውጤቶቹ ደኅንነቱ የተጠበቀና ውጤታማ መሆኑ የክትባት ተቆጣጣሪ አካላትን ካሳመነ በአውሮፓውያኑ 2020 መገባደጃ ክትባቱን ለሰዎች ለመስጠት ታቅዷል፡፡

ኩባንያው አዲስ የገባው የውል ስምምነትም ፈረንሳይ፣ ጀርመን፣ ኔዘርላንድና ጣሊያንን ባቀፈው ከአውሮፓው የክትባት ጥምረት ቡድን ጋር የተደረገ ነው፡፡ እነዚህ ሀገራት ክትባቱን ለአውሮፓ አባል ሀገራት የሚያቀርቡም ይሆናል፡፡
ኩባንያው ከዚህ ቀደምም ከተለያዩ ሀገራት ጋር ስምምነት መፈጸሙ ይታወሳል፤ ቻይና፣ ብራዚል፣ ጃፓንና ሩሲያም ተመሳሳይ ፍላጎት እንዳላቸው ሲ ጂ ቲ ኤን ዘገባ ያመለክታል፡፡

አስትራዜኒካ ሁለት ቢሊዮን ብልቃጥ ክትባቶች እንዲያመርቱለት ከዓለም አቀፍ የመድኃኒት አምራች ኩባንያዎች ጋርም ስምምነት ማድረጉን ከዚህ ቀደም መዘገባችን ይታወሳል፡፡

በኪሩቤል ተሾመ

ተጨማሪ መረጃዎችን
በቴሌግራም https://bit.ly/2wdQpiZ
ትዊተር https://bit.ly/37m6a4m
ዩቱዩብ https://bit.ly/38mpvDC ያገኛሉ፡፡